Sun’iy urug’lantirishda ishlatiladigan eritmalar, filtrlovchi qog’OZ, tamponlar va salfetkalarni tayyorlash. Reja

Urg’ochi hayvonlarni sun’iy urug’lantirish uchun belgilangan sperma miqdorlari. Har bir tur hayvon uchun sperma miqdori va uning sifat ko’rsatkichlari ilmiy asoslangan holda ishlab chiqilgan. Sigirlar uchun yangi suyultirilgan, +2-4⁰S haroratda va suyuq azotda -196⁰S haroratda saqlanayotgan spermalar ishlatiladi. Yangi olingan sperma 0,3-0,5 ml miqdorda spermatozoidlar faolligi 8 ball, suyultirilgan va +2-4⁰S, +5-20⁰S haroratda saqlangan - 1-1,2 ml dozada harakatchanligi 7 ball va undan yuqori, muzlatilgan sperma yeritilgandan keyin 1 ml dozada harakatchanligi 4 ball bo’lsa ularni qo’llashga ruxsat yetiladi. Spermani saqlashning barcha usullarida ham bir hayvonni urug’lantirish uchun mo’ljallangan dozada to’g’ri chiziqli ilgarilama harakatga ega bo’lgan spermatozoidlar soni 10-12 mlrd. dan kam bo’lmasligi kerak.

Jinsiy a’zolari kattalashgan va bachadonning qisqaruvchanligi pasayganligi uchun 5-6 marta tuqqan sigirlarga, hamda bachadon buyniga shpris-katetr yuborishni imkoniyati bo’lmaganda spermaning dozasi 1,5-2 marta oshiriladi.

Qo’ylarni sun’iy urug’lantirishda suyultirilgan spermadan 0,1 - 0,15 ml, tarkibida 80 mln. faol spermalar bo’lgan va bahosi 8 balldan past bo’lmagan suyultirilmagan spermadan 0,05 ml yuboriladi.

Biyalar 25-50 ml, ayrim hollarda yirik biyalar 35-40 ml, tarkibida 7 mlrd. spermatozoidlar saqlagan sperma bilan urug’lantiriladi.

Ona cho’chqalar suyultirilmagan va suyultirilgan sperma bilan urug’lantiriladi. Spermatozoidlar konsentrasiyasiga qarab fraksion usulda suyultirilmagan spermadan 20-40 ml, suyultirilgan spermadan 40-50 ml dozada yuboriladi. Ikkalasida ham 1 ml spermadagi spermatozoidlar miqdori hisobga olinadi, ya’ni dozadagi ularning miqdori katta ona cho’chqalar uchun 3 mlrd, yosh cho’chqalar uchun esa 2 mlrd bo’lishi kerak.

Cho’chqalarni VIJ (nofraksion) usulida urug’lantirishda har bir kg tana vazniga 1 ml hisobida, maksimal (150 ml) dozada suyultirilgan sperma bachadonga yuboriladi. Bir dozada faol spermatozoidlar 4-5 mlrd. dan kam bo’lmasligi kerak.