Eozinning 5%-li eritmasi 5 g yeozinni 100 ml distillangan suvda yeritish bilan tayyorlanadi. Eritma och qizil rangda bo’lib, shisha idishda saqlanadi. Bu eritma o’lik va tirik spermatozoidlar foizini aniqlash uchun ishlatiladi.
96 va 70%-li spirt. 96%-li spirt rektifikat qin oynasi, kornsang, shisha tayoqchalar va qaychilarni flambirlab zararsizlantirish, rezina kameralar va har bir hayvonni urug’lantirishdan oldin va keyin qo’lni zararsizlantirishda ishlatiladi. Shu maqsadda spirt o’lchami 6x7 sm bo’lgan tamponlarga shimdiriladi.
96%-li spirtdan 70%-li spirtni tayyorlash uchun 73 ml 96%-li spirtga 27 ml distillangan suv qo’shilib, shisha tayoqcha bilan aralashtiriladi. Spirtlarning darajasi spirtomer yordamida aniqlanadi. Buning uchun 100 ml hajmli silindrga spirt solinib, unga spirtomer tushiriladi va ustki chiziq (menisk) bo’yicha daraja aniqlanadi. 70%-li spirtni tayyorlashda quyidagi tenglamadan foydalaniladi:
96-100 70x100
70 - X X = ----------------------- = 73
96
Tayyorlangan spirt og’zi yaxshi yopiladigan shisha idishda saqlanadi. 70%-li spirtdan shpris-katetr, sperma qabul qilgichlarni o’lchami 3x4 sm bo’lgan tamponlarga shimdirib zararsizlantirish uchun foydalaniladi.
Do'stlaringiz bilan baham: |
