Superliga va pro liga reglamenti

13-bob 
Legioner va xorijlik mutaxassisni ro‘yxatdan o‘tkazish uchun alohida shartlar 
13.1. Legioner yoki xorijlik mutaxassis bilan shartnoma tuzish jarayonida futbol 
klubi quyidagilarni hisobga olishi talab etiladi:
• futbol klubi 2023/24-yilgi mavsum uchun OFK litsenziyasini qo‘lga kiritgan bo‘lishi 
shart (2023-yilgi mavsumning qishki transfer oynasi hamda legioner futbolchi 
bilan amaldagi mehnat shartnomasi mavjud bo‘lgan klub bundan mustasno);

---

16 
• legioner yoki xorijlik mutaxassis bilan shartnoma imzolashdan avval futbol klubi 
mazkur shartnoma loyihasini O‘FA bilan kelishishi va shundan keyingina uni 
imzolashi talab etiladi; 
• futbol klubi legioner yoki xorijlik mutaxassis bilan imzolangan mehnat 
shartnomasini Liga ro‘yxatidan o‘tkazishi uchun O‘FA yuridik bo‘limi uning har bir 
sahifasini muhrlagan hamda imzolagan bo‘lishi shart; 
• ro‘yxatdan o‘tkazilgan legioner yoki xorijlik mutaxassisga musobaqalarda ishtirok 
etish uchun litsenziya tegishli davlat organi tomonidan chet el fuqarosiga 
O‘zbekistonda mehnat faoliyati huquqini beruvchi tasdiqnoma Ligaga rasman 
topshirilganidan so‘ng beriladi.
 
13.2. Ro‘yxatdan o‘tkazilayotgan legioner Liga tomonidan to‘rt toifa: oliy, birinchi, 
ikkinchi va uchinchi toifaga ajratib olinadi.
Oliy toifa:
• Yevropa yoki jahon chempionatining final bosqichi doirasida maydonga tushgan 
futbolchi; 
• UEFA koeffitsientlar jadvalida dastlabki yetti o‘rinda borayotgan mamlakatlar oliy 
divizionining yakuniga yetgan so‘nggi mavsumida yoki davom etayotgan 
mavsumida kamida 10 ta o‘yinda maydonga tushgan futbolchi.
Birinchi toifa:
• 2003-yil va undan keyin tug‘ilgan, so‘nggi ikki mavsum davomida o‘z mamlakati 
terma jamoasining rasmiy musobaqalar doirasidagi o‘yinlarida eng kamida ikki 
marta maydonga tushgan futbolchi.