Superliga va pro liga reglamenti

 
16.34. Elektr yoritish tizimidagi muammo 60 daqiqa ichida bartaraf etilmagani 
oqibatida uchrashuvni boshlash, davom ettirish, qayta boshlash va tugatish imkoni 
bo‘lmasa, maydon egasi bo‘lgan futbol klubiga nisbatan mazkur Reglamentning 10.11 yoki 
10.13-bandlardan biri bo‘yicha texnik mag‘lubiyat yoziladi. 
17-bob 
Musobaqa qatnashchisining libosiga qo‘yiladigan talablar 
17.1. Musobaqa ishtirokchilarining futbolkasiga futbol klubi ramzi tushiriladi. Ramz 
o‘lchami 100 sm
2
gacha (10 sm x 10 sm) bo‘lib, u futbolkaning chap ko‘krak qismida 
joylashadi.

---

25 
17.2. Futbol klubi har beshinchi chempionlik maqomini qo‘lga kiritgach, klub 
ramzining tepa qismida bir dona oltin yulduzchani aks ettirish huquqiga ega.
 
17.3. Futbolkaning o‘ng yengida Liga ramzi, chap yengida esa Liga titul homiysi 
ramzi aks etishi talab etiladi.
 
17.4. Futbolka old tomonining yurak (markaz) qismida O‘zbekiston davlat bayrog‘i 
aks etishi talab etiladi. Bayroq o‘lchami 24 sm
2 
(4 sm x 6 sm) bo‘lishi lozim. Bunda bayroq 
alohida ajralib turishi uchun uning atrofi oq chiziq bilan qoplanadi. Chiziq qalinligi 3 mm 
bo‘lishi tavsiya etiladi.
17.5. Futbolka orqa tomonining tepa kurak qismida futbolka egasining ismi yoki 
familiyasi (tahallus) o‘zbek lotin alifbosida yozilgan bo‘lishi talab etiladi. Liga futbol 
klubidan futbolchining ism yoki familiyasini o‘zbek tilida to‘g‘ri yozishni talab etishga 
haqli. Bunda ism yoki familiya balandligi 5-8 sm oralig‘ida hamda “Jersey M54” shriftida 
bo‘lishi shart.
17.6. Futbolchining litsenziyasida ko‘rsatilgan futbolka raqami uning 
futbolkasining orqa tomonida — bel hamda kurak qismi oralig‘ida balandligi 25–35 sm 
hamda “Jersey M54” shrifti bilan aks etishi talab etiladi.