Superliga va pro liga reglamenti

17.7. Futbolchi shortisining o‘ng oyoq pastki qismida futbolchining futbolkasidagi 
raqam balandligi 10–15 sm oralig‘ida aks ettirilishi talab etiladi. 
17.8. Shu bobning 5, 6 hamda 7-bandlarida ko‘rsatilgan yozuvlar libos rangidan 
aniq farqlanishi hamda hamma uchun birdek ko‘rimli bo‘lishi shart. Bunda aralash rangli 
futbolkada yozuv alohida rangdagi to‘g‘ri to‘rtburchak yoki futbolka ranglariga 
proporsional rangda ko‘rsatiladi.
17.9. Futbolkadagi barcha yozuvlar bir xil rangda bo‘lishi shart. Och rangli 
futbolkaga tilla rangda yozuv yozish taqiqlanadi.
17.10. U19 hamda U21 chempionatida ishtirok etuvchi jamoa libosi asosiy jamoaniki 
bilan bir xil bo‘lishi talab etiladi.
17.11. U19, U21 hamda asosiy tarkib futbolchilarining raqami bir-birini 
takrorlamasligi talab etiladi.
 
17.12. Xalqaro musobaqada ishtirok etadigan klubga ism yoki familiyani (taxallus) 
ingliz tilida yozishga ruxsat etiladi. 
 
17.13. Futbol klubi ro‘yxatdan o‘tish oldidan Ligaga yangi mavsum uchun 
liboslarning 3D formatini taqdim etishi talab etiladi. Musobaqa startiga 10 kun vaqt 
qolgunicha klub futbolchilar va darvozabonlar libosining asosiy hamda rezerv ranglari 
haqida to‘liq axborot taqdim etishi shart.
 
17.14. Liga uchrashuv oldidan futbol klublari libosining rangini belgilashga haqli. 
Bunda Liga mezbon futbol klubining uy libosidan kelib chiqadi.
 

---

26 
17.15. Darvozabon libosi ikki jamoa va hakamlar libosidan farqlanishi talab 
etiladi.
18-bob 
Futbol klubining OAV bilan ishlashini tartibga solish 
 
18.1. Liga bosh axborot hamkorini belgilash huquqiga ega.
 
18.2. Futbol klubi o‘z rasmiy saytiga ega bo‘lishi shart.