Сувости мамлакатида (Қисса) Акутагава Рюноске library ziyonet uz

СУВОСТИ МАМЛАКАТИДА
(ҚИССА) 
Акутагава Рюноске 
library.ziyonet.uz/ 
* * * 
Эҳтимол, бизга ҳаѐтда керак бўлган барча ғоялар уч юз йиллар олдин айтилгандир. Бизга 
эса, дейлик, уларни озгина янгитдан алангалатиб (чўғ ташлаб) қўйишнинг ўзи етарли.
* * * 
Бизнинг хусусиятимиз ҳамиша ўз онгимизни енгишдан иборат.
* * * 
Агар бахтни оғриқсиз, ҳаѐтни эса кўнгил совишларсиз тасаввур қилиб бўлмаса, унда..?
* * * 
Ўзини ҳимоя қилиш бошқаларни ҳимоя қилишдан кўра қийинроқ. Кимки бунга шубҳа 
қилса, адвокатга назар ташласин.
* * * 
Димоғдорлик, шаҳватпарастлик, шубҳа – мана охирги уч минг йил ичида таниш бўлган 
барча иллатларнинг сабаби. Балки, барча фазилатларнинг ҳам.
* * * 
Жисмоний эҳтиѐжларимизни жиловлаш яхшиликка олиб келиши шарт эмас. Балки биз 
яхшиликка эришишимиз учун ўзимизнинг маънавий эҳтиѐжларимизни ҳам 
жиловлашимиз зарур. (Крабак бу ерда ҳам тирноқ изини қолдирганди.)
* * * 
Биз каппалар одамларга нисбатан камроқ бахтлимиз . Одамлар каппаларчалик 
ривожланмаган. (Буни ўқиб, мен табассум қилишдан ўзимни тиѐлмадим.)
* * * 
Намоѐн қилиш бу – уддасидан чиқиш, уддасидан чиқиш эса – намоѐн қилиш. Интиҳосини 
айтганда, бизнинг бу ҳаѐтимиз доим мана шу доира ичида айланиб юради, чиқиб кета 
олмайди. Бошқача айтганда, бу ерда ҳеч қандай мантиқ йўқ.
* * * 
Ақли заифлашгач Бодлер ўзининг дунѐқарашини фақат бир сўз билан ифодалаган, бу – 
«аѐл» сўзи. Лекин ҳурматини сақлаш учун у бундай демаслиги керак эди. У ўзининг даҳо 
эканига, буюк шоирлигига ҳаддан зиѐд ишонган, чунки бу унинг кун кўришига ѐрдам 
берган. Ва шунинг учун у бошқа сўзни унутди. «Ошқозон» сўзини. (Бу ерга ҳам Крабак 
тирноқ изини қолдирганди).
* * * 

---

СУВОСТИ МАМЛАКАТИДА
(ҚИССА)