Сувости мамлакатида (Қисса) Акутагава Рюноске library ziyonet uz

Акутагава Рюноске 
library.ziyonet.uz/ 
Биз ҳамма нарсада ақлга таянаверсак, ҳеч шубҳасиз, ўз тириклигимизни инкор этамиз. 
Ақлни илоҳийлаштирган Волтернинг ҳаѐтда бахтли бўлгани инсонларнинг каппалардан 
орқада қолганини яна бир марта исботлайди. Совуқ кунларнинг бирида «Телбанинг 
сўзлари»ни ўқиш жонимга тегиб, файласуф Маггнинг ѐнига йўл олдим. Қайсидир бир бўш 
йўлакда бўшашганча деворга суяниб турган чивиндай каппани тасодифан кўриб қолдим. 
Адашган бўлишим мумкинмас, бу ўша, бир пайтлар менинг авторучкамни ўғирлаган 
каппа эди. «Қўлга тушди!» – ўйладим мен ва зудлик билан ѐнимдан ўтиб кетаѐтган 
ҳайбатли каппани чақирдим. 
– Анави каппани ушланг, илтимос, – дедим мен. – Бир ойча олдин у менинг авторучкамни 
ўғирлаганди. 
Полициячи таѐғини кўтарди (бу мамлакатнинг полициячилари қилич билан бирга таѐқча 
ҳам олиб юришади) ва ўғрини чақирди: «Эй, бу ѐққа кел-чи!» Мен ўғри қочишга 
шайланади, деб ўйлагандим. Бундай бўлмади. 
У ўта хотиржамлик билан полициячининг ѐнига келди. Буям камдай, қўлларини кўкрагида 
чалиштириб олиб, қандайдир такаббурлик билан юзимизга тик қаради. Унинг бу қилиғи 
қорнидаги сумкасидан кундалик дафтарчасини олиб, уни сўроққа тутаѐтган 
полициячининг жаҳлини чиқармади. 
– Исминг? 
– Грук. 
– Нима иш қиласан? 
– Бироз вақт олдин почтачи эдим. 
– Жуда яхши. Мана бу одам унинг авторучкасини ўғирлаганингни даъво қиляпти. 
– Ҳа, бу бир ойча олдин бўлганди. 
– Нима сабабдан? 
– Уни кичкина боламга ўйнаш учун бергандим. 
Полициячи Грукка ўткир тикилди: 
– Xўш, болага нима бўлди? 
– Бир ҳафта олдин ўлди. 
– Ўлгани ҳақидаги гувоҳнома ѐнингдами? 
Озғин каппа қорнидаги сумкасидан бир варақ қоғоз чиқариб, полициячига узатди. У 
қоғозга кўз югуртириб, жилмайди ва Грукнинг елкасига қоқиб деди: 
– Ҳаммаси жойида. Безовта қилганимиз учун кечир. 
Мен ҳайратдан донг қотиб, полициячига қарадим . Ориқ каппа бурнининг тагидан бир 
нималарни ғўлдираб, йўлига равона бўлди. Ниҳоят мен ўзимга келиб сўрадим: 
– Уни нега қўйиб юбордингиз? 
– У айбдор эмас, – жавоб берди полициячи. 
– Лекин у менинг ручкамни ўғирлаган-ку… 
– Боласига ўйнагани бериш учун ўғирлаган, бола эса ўлган. Мабодо нимадандир 
шубҳаланаѐтган бўлсангиз, жиноят кодексининг бир минг икки юзу саксон бешинчи 
моддасини ўқинг. 
Полициячи менга орқа ўгирилиб, нари кетди. Нимаям қилардим? Мен ичимда: «Жиноят 
кодексининг бир минг икки юзу саксон бешинчи моддаси», дея қайта-қайта такрорлаганча 
Маггникига йўл олдим. 

---