Svetoforlar quyidagilarga bo’linadi va tasniflanadi: kirish

MARSHRUT SVETOFORLARI
16. Marshrut svetoforlaridan, ularning o’rnatilgan joyiga bog’liq ravishda, quyidagi signallar beriladi:
bitta yashil chiroq - «Belgilangan tezlikda harakatga ruхsat beriladi; keyingi svetofor (marshrut yoki chiqish) ochiq;
bitta sariq chiroq - «To’хtashga tayyor bo’lgan holda harakatga ruхsat beriladi; keyingi svetofor (marshrut yoki chiqish) yopiq»;
bitta qizil chiroq - «To’хta! Signaldan o’tish taqiqlanadi»;
bitta o’chib yonadigan sariq chiroq - «Belgilangan tezlikda svetofordan o’tishga ruхsat beriladi; keyingi svetofor (marshrut yoki chiqish) ochiq va uni kamaytirilgan tezlikda o’tish talab etiladi»;
ikkita sariq chiroq, ulardan yuqorisidagi o’chib yonuvchi – «Pasaytirilgan tezlikda svetofordan o’tishga ruхsat beriladi; poezd yon tomondagi yo’lga bormoqda; keyingi svetofor (marshrut yoki chiqish) ochiq»;
ikkita sariq chiroq - «Svetofordan pasaytirilgan tezlikda va stansiyada to’хtashga tayyor holda o’tishga ruхsat beriladi; poezd yon yo’lga bormoqda; keyingi svetofor yopiq».
O’TISH SVETOFORLARI
17. Avtoblokirovka bilan jihozlangan uchastkalarda o’tish svetoforlaridan quyidagi signallar uzatiladi:
bitta yashil chiroq - «Belgilangan tezlikda harakatlanishga ruхsat beriladi, oldinda ikki yoki undan ortiq blok-uchastka bo’sh» (rasm 2.15);
bitta sariq chiroq - «To’хtashga tayyor bo’lgan holda harakatlanishga ruхsat beriladi, keyingi svetofor yopiq» (rasm 2.16);
bitta qizil chiroq - «To’хta! Signaldan o’tish taqiqlanadi» (rasm 2.17).
18. To’rt belgili signalizasiyali avtoblokirovka bilan jihozlangan uchastkalarda, asosiy yo’l bo’ylab o’tish, kirish, marshrut svetoforlaridan va chiqish svetoforlaridan quyidagi signallar uzatiladi:

Rasm 2.15		Rasm 2.16		Rasm 2.17

bitta yashil chiroq - oldinda uchta yoki undan ortiq blok-uchastkalar bo’sh;
bitta sariq va bitta yashil chiroqlar – oldinda ikkita blok-uchastka bo’sh (rasm 2.18);
bitta sariq chiroq - oldinda bitta blok-uchastka bo’sh;
bitta qizil chiroq - «To’хta! Signaldan o’tish taqiqlanadi».

Rasm 2.18
19. Uch belgili yoki to’rt belgili signalizasiyali avtoblokirovka bilan jihozlangan uchastkalarda, kirish svetoforlarining oldida joylashgan o’tish svetoforlarida (kirish oldi) bundan tashqari quyidagi signallar qo’llanishi mumkin:
bitta o’chib-yonuvchi sariq chiroq - «Belgilangan tezlikda harakatlanishga ruхsat beriladi; kirish svetofori ochiq va uni pasaytirilgan tezlikda o’tish talab etiladi; poezd stansiyaning yon yo’liga qabul qilinadi» (rasm 2.19, a);
bitta o’chib-yonuvchi yashil chiroq - «Belgilangan tezlikda harakatlanishga ruхsat beriladi, kirish svetofori ochiq va uni soatiga 80 km/soat dan oshmagan tezlikda o’tish talab etiladi, poezd stansiyaning yon yo’liga qabul qilinadi» (rasm 2.19, b).
Kirish oldi svetoforining machtasiga nur qaytargichli ogohlantiruvchi tablichkalar o’rnatiladi (rasm 2.19).

a)	b)
Rasm 2.19

Harakat lokomotiv svetofori signallari bo’yicha amalga oshiriladigan noto’g’ri yo’ldagi kirish oldi svetofori, uch belgili signalizasiyali avtoblokirovka bilan jihozlangan uchastkalardagi kirish oldi svetofori kabi signallar uzatadi.
20. Yarim avtomatik blokirovka bilan jihozlangan uchastkadagi o’tish svetoforlaridan quyidagi signallar uzatiladi:
bitta yashil chiroq - «Belgilangan tezlikda harakatlanishga ruхsat beriladi, peregon keyingi stansiyagacha (yo’l postigacha) bo’sh» (rasm 2.20);
bitta qizil chiroq - «To’хta! Signaldan o’tish taqiqalanadi» (rasm 2.21).

Rasm 2.20	Rasm 2.21

21. Uch belgili signalizasiyali avtoblokirovka bilan jihozlangan uchastkalarda, asosiy yo’lda, talab etiluvchi tormoz yo’lidan qisqa blok-uchastkani chegaralovchi svetoforda (kirish, marshrut, chiqish yoki o’tish), ikkita vertikal holdagi nayza shaklidagi oq rangli yorug’lik ko’rsatkichi o’rnatiladi (rasm 2.16), unga ogohlantiruvchi bo’lgan svetoforda esa - shunday ko’rsatkich bitta nayza shaklida bo’ladi (rasm 2.15).