Talabalar ligasi 4-o'yini savollar paketi

Savol: Uni yozib bering.
Javob: Baraban
Izoh: bilasiz urushda barabanlardan keng foydalaniladi. Ayniqsa urush boshlash paytida, Jijka o'z terisidan yasalgan baraban askarlarini keyinchalik ham ilhomlantirib turishiga ishongan.
10. Avvallari U asosan qirollar va boylar o‘rtasida mashhur bo‘lgan. Sababi, U uchun bo'sh vaqt talab etilgan va jamiyatning ko'plab tabaqalarida bunday imkoniyat bo'lmagan. XVIII asrga kelibgina UNI Yevropada jamiyatning barcha qatlamlari O‘YNASH HUQUQIGA ega bo‘ladi.
Savol: UNI yozib bering.
Javob: Shaxmat
Manba: https://www.gazeta.ru/sport/2017/01/30/a_10500911.shtml
11. “Oq uy” loyihasi ustida ishlagan konstruktorlar bir jihatni hisobga olmagan edi. XX asr ikkinchi choragida bu kamchilik yaqqol sezilib qolgan va u bartaraf etilgan. Toshkent metropolitenining stansiyalarida ham shu kamchilik mavjud.
Savol: qanday kamchilik haqida so'z borayotganligini yozib bering.
Javob: Nogironlar uchun alohida chiqish yoʻlaklari yoʻqligi
Izoh: Franklin Delano Ruzvelt umrini oxirlarida nogironlar aravachasiga oʻtirib qolgan. Oq uyda esa nogironlar aravachasi harakatlanadigan maxsus yoʻlaklar boʻlmagan. Toshkent Metropolitenining ayrim bekatlarida ham bu kabi maxsus yoʻlaklar mavjud emas!
12. “G’arbiy frontda o‘zgarish yoʻq” asarida yozilishicha, tungi operatsiyalar chogʻida askarlarga BU ISH taqiqlangan. BU ISHni qilmaslikka bag’ishlangan karikaturalardan birida esa til bilmaydigan yo’lto’sar jentelmendan kiyimini yechishni so'ramoqda.
Savol: Bu ish o'rnidagi so‘zni aniq yozib bering.
Javob: Chekish
Qabul emas: chekmaslik
Izoh: Remarkning "Gʻarbiy frontda oʻzgarish yoʻq" asarida tungi operatsiyalar jarayonida askarlarga sigaret chekmaslik buyrugʻi berilgan. Karikaturada No smoking maʼnosini tushunmagan yo’lto’sar esa jentelmendan ustidagi smokingini yechishni talab qilmoqda. Tafakkur jamoasi esa bilimdonlarga an'anaviy eslatmani eslatib o'tmoqchi. Chekmang, chekish sogʻliq uchun zarar. Hozircha esa besh daqiqa tanaffus!