Ta’lim sohasi: 110000 – Pedagogika Ta’lim yo`nalishi

1) kitobiy uslubga tegishli : maroq, ...
2) so‘zlashuv uslubiga tegishli: mashmasha, ...
3) uslubiy betaraf so‘zlar: zavq, shavq, ...
Zavq, maroq, shavq; janjal, to‘polon, g‘alva, mojaro, g‘avg‘o, mashmasha, sho‘rish; maosh, oylik, moyana; kabi, yanglig‘, singari, o‘xshash, misoli, bamisoli, misli; in, uya, oshyon; yemoq, tanovul qilmoq, iste'mol qilmoq, totmoq, olmoq, tushirmoq, urmoq; ko‘krak, ko‘ks, bag‘ir, siyna, to‘sh, o‘mrov; ayriliq, judolik, hijron, hajr, firoq; aljimoq,aljiramoq, valdiramoq, sannamoq; aloqodor, taalluqli, oid, tegishli; ayol, xotin, xotin-qiz, xotin-xalaj; aylanmoq, sayr etmoq, kezmoq; ayniqsa, xususan, alalxusus; avvalgi, oldingi, ilgarigi, burungi, qadimgi, sobiq; adolatsizlik, haqsizlik, bedodlik; abadiy, mangu, umrbod, toabad, ilalabad; avaylamoq, ayamoq, ehtiyotlamoq, ardoqlamoq, e'zozlamoq, papalamoq;
Foydalaniladigan adabiyotlar:
Asosiy adabiyotlar
1.Hamrayev M.,Muhamedova D.,Shodmonqulova D.,G‘ulomova X.,Yo‘ldosheva Sh. Ona tili. Toshkent, “Moliya-Iqtisod” 2007-yil. -300 bet.
2. Ikromova R., Muhamedova D., Hamrayev M. Ona tilidan mashqlar to‘plami. TDPU, Toshkent, 2009. -240 bet.
Qo‘shimcha adabiyotlar:
1.Mirziyoyev Sh. Erkin va farovon, demokratik O`zbekiston davlatini birgalikda barpo etamiz.-Toshkent: “O`zbekiston” – 2016. 56 B.
2.Mirziyoyev Sh. Buyuk kelajagimizni mard va olijanob xalqimiz bilan quramiz.-Toshkent: “O`zbekiston” – 2016. 488 B.
3. Jamolxonov H. Hozirgi o‘zbek adabiy tili. 2005, “Talqin” nashriyoti
4. Rahmatullayev Sh. Hozirgi adabiy o‘zbek tili. 2006,“Universitet” nashriyoti.
5. Yunusov R. O‘zbek tilidan praktikum. 1-qism, 2006, TDPU.
Elektron ta’lim resurslari
1. www.tdpu.uz
2.www.pedagog.uz
3.www.Ziyonet.uz
4.www.edu.uz
5. tdpu-INTRANET.Ped
5.www.Google.uz

MUSTAQIL TA’LIM MASHG`ULOTLARI

Оna tilidan mustaqil ta’limning asоsiy maqsadi o‘qituvchining rahbarligi va nazоrati оstida talabaning оna tilidan bеrilgan tоpshiriqlarni mustaqil ravishda bajarish uchun zarur bo‘lgan bilim va ko‘nikmalarni shakllantirish va rivоjlantirishdir. Bu tоpshiriqlar yangi bilimlarni mustaqil tarzda puхta o‘zlashtirish ko‘nikmalariga ega bo‘lish, kеrakli ma’lumоtlarni izlab tоpishning qulay usullari va vоsitalarini aniqlash, aхbоrоt manbalaridan samarali fоydalanish, an’anaviy o‘quv va ilmiy adabiyotlar bilan ishlash, bеrilgan tоpshiriqning yеchimini tоpish va tоpshiriqlarni bajarishda tizimli va ijоdiy yondashish kabi vazifalarni bajaradi.

Talabanimng mustaqil ravishda o‘quv materiallarini o‘zlashtirishga intilishi, maxsus adabiyotlar, ilmiy manbalar ustida ishlashi, egallagan bilmlarini amaliyotga tatbiq etishi, o‘zining mutaxassisligi bo‘yicha kengroq bilimni egallashga bo‘lgan ehtiyoji muhim ahamiyat kasb etadi. Mana shularga asoslanib ona tilidan mustaqil ta’lim ishi to‘rt xil shaklda belgilanadi va ularning har biri 10 ballik sistеmada bahоlanadi.
Ona tilidan mustaqil ta`lim ish turlari quyidagi shakllarda tuzilgan:

1. 
   Muayyan mavzu yuzasidan referat tayyorlash
   
2. 
   Muayyan mavzu bo‘yicha konspekt olish
   
3. 
   Muayyan mavzu bo‘yicha test savollari tuzish
   
4. 
   Muayyan mavzu bo‘yicha amaliy topshiriqni bajarish
   

Bu topshiriqlarning barchasi talabalarning ona tilidan olgan nazariy bilimlarini kengaytiradi, chuqurlashtiradi, o‘quv adabiyotlari bilan ishlash malaka va ko‘nikmalarini rivojlantiradi, vazifani mustaqil bajarish, ijodkorlik hamda o‘ziga ishonch ruhida tarbiyalashga xizmat qiladi.
Talaba mustaqil ta`lim ishlarini ularning xarakteriga qarab bajaradi. Bunda unga tubandagilar yordam beradi.