Таълим вазирлиги тошкент давлат иқтисодиёт университети

 
 

---

49 
4.4. Мулкчилик ҳуқуқларини иқтисодий асослаш
 
Индивидлар учун мулкчилик ҳуқуқларини ўрнатиш ҳамда ушбу
ҳуқуқларга уларнинг амал қилиш зарурати қонунга ихтиёрий бўйсуниш 
нормалари билан ўзаро узвий боғланган. Мулкчилик ҳуқуқлари индивидлар 
ўртасида юзага келадиган ўзаро муносабатлардаги ноаниқликни камайтирувчи 
институтлардан бири ҳисобланади.
Мулкчилик хуқуқларини таҳлил қилиш учун иккита фермер ўз 
подаларини бири паст ҳосилдор бўлган иккита яйловда ўтлатишини кўриб 
чиқамиз [47]. Берилган ҳолатга кўра, ем-хашак захиралари ушбу яйловларнинг 
ҳар бирида бир вақтнинг ўзида иккита подани ўтлатиш имконини бермайди. 
4.2.-жадвал 
Фермерларнинг яйловлардан фойдаланиш имкониятлари 
 
Кўрсаткичлар 
2-фермер
Биринчи яйловда 
ўтлатиш -Р
2
Иккинчи яйловда 
ўтлатиш-1- Р
2
1-фермер 
Биринчи яйловда 
ўтлатиш - Р
1
2; 2 
8; 4 [N
2
Р
2
Р St
1
] 
Иккинчи яйловда 
ўтлатиш -1- Р
1
4; 8 [N
1
Р
1
St
2
] 
1; 1 
Ушбу ҳолатда Парето бўйича оптималлик нуқтаи назаридан иккита бир 
хил якун (4; 8) ёки (8; 4) мавжуд. Якунлардан бирини қайд этувчи 
институционал қарорлар бир нечта бўлиши мумкин. Улардан энг оддийси 
яйловдан фойдаланишдаги устуворликни унга биринчи бўлиб ўз подасини 
олиб келган фермерга берувчи қоидани қўллашдан иборат. Келиш тартиби 
бўйича ноёб ресурс (яйлов)ни тақсимлаш – навбат институти фаолият юритиши 
асосида ётувчи тамойиллардан бирини акс эттиради. Бироқ навбат 
институтидан фойдаланиш подани қайси яйловга олиб бориш тўғрисида қарор 
қабул қилиш вақтида фермерларнинг иккиланишини камайтирмайди, балки 
оширади. Бундан ташқари, иккиланиш ҳар сафар яйловни танлашда ҳам 
такрорланади. 
Яйловда мулкчилик ҳуқуқларининг ўрнатилишигина масалани ҳал 
этишнинг муқобил варианти бўлади. Масалан, 1-фермер биринчи яйловнинг, 2-
фермер эса иккинчи яйловнинг мулкдори ҳисоблансин. Ҳатто фермерларнинг 
нафлилиги нуқтаи назаридан бундай қарорнинг номутаносиблигини ҳисобга 
олган ҳолда, икковининг ҳам манфаати йўлида мулкчилик ҳуқуқларини тан 
олиш ва ҳурмат қилиш лозим. Кам ҳосилли яйловни олувчи иккинчи 
фермернинг мулкчилик ҳуқуқлари жорий этилгунга қадар ва ундан кейинги 
нафлиликни таққослайлик. 
Мулкчилик ҳуқуқлари ўрнатилгунга қадар иккинчи фермер, агар у 
подасини биринчи яйловга олиб борса, 2 Р
1 
+ 8 (1- Р
1
) = 8-6Р
1 
га, агар у 
подасини иккинчи яйловга олиб борса, 4 Р
1 
+ 1 (1- Р
1
) = 3Р
1
+ 1 га эга бўлади. 
Сўнгра иккинчи фермер томонидан биринчи яйловнинг танланиши эҳтимолини 
ҳисобга олган ҳолда, Р
1
, EU = Р
2
(8-6Р
2
) (3Р
1
+1)га, оддий ҳолатда Р
1
= Р
2 
=
1/2 га 
эга бўламиз, бу EU = 3,75 ни беради. Мулкчилик ҳуқуқлари ўрнатилганидан 

---

50 
кейин эса иккинчи фермерга 4; яъни, 4 > 3,75 га тенг бўлган ютуқ 
кафолатланган. 
Иккала фермер ҳам бир вақтнинг ўзида битта яйловдан фойдаланган 
ҳолатларда паст ютуқларга эришишга алоҳида эътиборни қаратиш лозим. 
Мазкур ҳолат очиқ фойдаланишда бўлган ресурсларни нооқилона истеъмол 
қилишда ўз аксини топадиган «жамоат мулки фожиасини» намоён этади. 
Бундай 
ресурслардан 
фойдаланишнинг 
хусусий 
ва 
жамоат 
сарф-
харажатларининг номувофиқлиги уларнинг тугашига олиб келади. Бошқача 
айтганда, ресурсга нисбатан мулкчилик ҳуқуқлари аниқ ўрнатилмаган ҳолларда 
унинг истеъмол қилиниши салбий ташқи таъсирлар ёки экстерналларнинг 
пайдо бўлиши билан боғлиқ. Мисол тариқасида яна иккала фермер томонидан 
бир вақтнинг ўзида бир яйловдан фойдаланишни тасвирловчи ҳолатни кўриб 
чиқамиз. Мисолда ишлаб чиқаришнинг фақат икки омили – фермерларнинг ери 
ва меҳнати ҳисобга олинсин. 
Фараз қилайлик, яйловга қўшимча меҳнат бирлиги сарфланган, яъни 
биринчи фермер эгаллаган яйловга иккинчи фермер ўз подасини олиб келди. 
Ушбу ҳолатда қўшимча меҳнат сарфининг самараси пасаяди. Ишлаб чиқариш 
(етиштириш) умумий ҳажми ошгани ҳолда қўшимча меҳнат қилган фермернинг 
манфаатдорлиги пасаяди ва ўртача маҳсулотнинг камайиши юз беради. Агар 
яйлов хусусий мулкчиликда бўлса, у ҳолда мулкдорнинг шахсий сарф-
харажатлари кўпроқ самара келтиради ва рента энг юқори бўлади. Агар яйлов 
умумий фойдаланишда бўлса, меҳнат сарфи самарадорлигининг даражаси 
пасайиб, рента йўқолади.
Юқорида баён этилганларга якун ясаб, таъкидлаш лозимки, мулкчилик 
ҳуқуқларининг ўрнтилиши камида иккита сабабга кўра, иқтисодий агентлар 
манфаатларига мос келади, яъни уларнинг ўзаро ҳамкорлигидаги ноаниқлик 
(иккиланиш) камаяди ва ресурслардан фойдаланиш оптималлашади.