Таълим вазирлиги

 
2. Ота-оналарга педагогик билим бериш. Ота-оналар учун 
маърузалар ташкил этишнинг шакллари. 
 
Ота-оналарга педагогик билим бериш: 
Инсон камолоти шунчалик мураккабки унга ҳаётий тажриба етарли эмас унинг учун 
ўрганиш, билим, ўқиш ниҳоятда зарурдир. К.Д.Ушинский «Ижтимоий тарбияда халқ 
руҳи» ҳамда «Педагогик адабиёт орасида»ги рисолаларида Ота-она учун педагогик билим 
дастлаб педагогик адабиётлар ўрганишдан бошланади. Бола тарбиясидаги билим халқ 
руҳи билан суғорилган-халқчилик ғоясига асослангандагина ота-она билимдон 
тарбиячилик санъатига эга бўла оладилар», – дейилган. 
Педагогик билим ота-оналар учун ниҳоятда зарур. Бу билим мактабда, маҳаллада ва 
кундалик ахборот воситалари орқали бериб борилади. Лекин ҳаётимиздаги янги-янги 
муаммолар педагогик билимини янада кучайтиришни, чуқурлаштиришни талаб этади. 
Мактабдаги педагогик билим турли шаклларда амалга оширилади: 
Педагогик маъруза, илмий, методик кенгаш. 
«Саволларингизга жавоб берамиз» (ота-оналар куни). 
 
Ота-оналар учун маърузалар ташкил этишнинг шакллари: 
Маъруза ота-оналарга педагогик билим берадиган турлардан биридир. Ота-оналар 
учун мўлжалланган маъруза таълими-тарбиявий аҳамиятга эга бўлиши керак. 
Ота-оналар учун педагогик билим берадиган маърузалар мавзулари: 
– миллий истиқлол мафкурасини шакллантириш ва баркамол инсон тарбиясида ота-
оналар ўрни. 
– оилада иқтисодий тарбия. 
– маънавий мерос ва оила. 
– сиз ўтмиш авлодларингизни биласизми?
Оилада тарбия масалалари. 
– мутафаккирлар ижодиётида оила тарбияси. 
– фарзанд тарбиясида халқимиз қўллаган усуллар. 
– оиладаги адолат–тўғри тарбия асосидир. 
– фарзандингиз саҳий, мурувватли бўлсин десангиз? 
– оилада иймон-эътиқод тарбияси. 
Ота-оналар учун танланган мавзулар қуйидагича режалаштирилади. 
Мавзу: «Маънавий мерос ва оила». 
Мақсад: Ота-оналарга ўтмиш меросимиздан болани оилада тарбиялаш ҳақидаги 
мутафаккир ва маърифапарварлар асарларидаги таълимотлар ҳақида билим бериш. 

---

193 
Маърузани таъминловчи манбалар: 
а) Ўтмиш маърифатпарвар ва мутафаккирларнинг асарлари (Абу Али Ибн Синонинг 
«Тадбир ал-манозил», Алишер Навоийнинг «Маҳбуб-ул қулуб», Воиз Кошифийнинг 
«Ахлоқий Мухсиний» асарларидаги оила тарбиясидаги ғоялар. 
б) Кўргазмалар-алломаларнинг расмлари ва китоб намуналари.
в) Дидактик материаллар, доно сўзлар ёзилган карточкалар, фактлар.