Таълим вазирлиги

 
Тақризчилар: Педагогика фанлари доктори, профессор Ш.Қ.Мардонов 
Педагогика фанлари доктори, профессор И.Т.Чориев 
 
 
 
 
 
 
 
 
 
 
 
 
 
 
 
 
 
 
 
Термиз давлат университети Ўқув-услубий Кенгашининг ...... июн 2020 йил 
№ .... -баённомаси қарори билан нашрга тавсия этилди. 
 

---

3 
КИРИШ 
 
Маълумки, жамият тараққиёти барча давлатларда ривожланишнинг моҳияти унинг 
суръати, инсонларнинг одоби, тарбияси, хулқи ва маънавий камолот даражасига боғлиқ 
деб ҳисоблайдилар. Қаерда маънавий-маърифий, аҳлоқий фазилат юксак бўлиб, 
маърифий-тарбиявий тадбирлар оқилона йўлга қўйилган бўлса, у ерда жамиятнинг 
ижтимоий адолат меъзонлари тез ривожланганлиги тарихдан маълум. Биз қураётган 
мустақил Ўзбекистонда демократик-ҳуқуқий жамиятнинг уч муҳим томони бор: 
иқтисодий, сиёсий ва маънавий. Бу томонлар қанча мустаҳкам ва бақувват бўлса, 
келажагимиз равнақи шунча бақувват бўлиб, жамият тез ривожланади. 
Тарбиявий ишлар, юксак одоб-аҳлок меъёрлари кеча ва бугун ўйлаб топилган нарса 
эмас. Улар инсониятнинг минг йиллик тарихи, ота-боболаримизнинг неча-неча йиллар 
давомида, аждодлар тажрибасига суянган ҳолда келажагимиз бўлган ёшларга маънавий-
ахлоқий мерос сифатида ўргатилиб келинади. 
“Тарбия санъати шундай хусусиятга эгаки, деярли барчага таниш ва тушунарли, 
баъзиларга эса жуда осон иш бўлиб туюлади – одам бу иш билан назарий ва амалий 
жиҳатдан қанчалик кам таниш бўлса, унга бу шунчалик тушунарли ва осон бўлиб 
кўринади. Деярли ҳамма тарбия сабр-тоқатни талаб этишини эътироф қилишади, 
айримлар бунинг учун туғма қобилият ва малака, яъни кўникма керак, деб ўйлайдилар: 
лекин жуда кам одам сабр-тоқат, туғма қобилият ва малакадан ташқари яна махсус 
билимлар кераклиги ҳақида ишонч ҳосил қилишади”.