Tana massasi indeksi hisoblash

TANA MASSASI INDEKSI — HISOBLASH

(Ketle formulasi)

Tana massasi indeksi — insonning bo’yi va vazni mosligi darajasini baholashga imkon beruvchi kattalik bo’lib, u vazn

yetishmasligi, me’yordaligi yoki ortqichaligini aniqlashda ishlatiladi. Davolash uchun ko’rsatmalarda muhim o’rin tutadi.

Tana massasi indeksi ko’rsatkichi belgiyalik sotsiolog va statistik Adolf Ketle tomonidan ishlab chiqilgan. U kg/m² da

hisoblanadi.

JSST tavsiyalariga ko’ra, TMI ko’rsatkichlarining quyidagi interpretatsiyalari ishlab chiqilgan:

Tana massasi indeksi	Kishi vazni va uzunligi o’rtasidagi nisbat
16 va undan kam	Tana vazningning sezilarli tanqisligi
16—18,5	Tana vaznining yetishmasligi
18,5—24,99	Me’yor
25—30	Tana vaznining ortiqchaligi
30—35	Birinchi darajali semizlik
35—40	Ikkinchi darajali semizlik
40 va undan yuqori	Uchinchi darajali semizlik

Mazkur uslub shifokorlar tomonidan keng qo‘llanilib, ortiqcha yoki normal tana tuzilishi uchun yetishmayotgan vaznni

aniqlashda ishlatiladi. Qarshi ko‘rsatmalariga ko‘ra esa homiladorlar, emizikli ayollar, kichik yoshdagi bolalar va keksalarda

qo‘llanilmaydi.

KETLE indeksini hisoblash quyidagicha bo‘ladi. Masalan, ayolning bo‘y o‘lchami 1,6 metr, vazni 60 kg. Buning uchun vazn

ko‘rsatkichini bo‘y ko‘rsatkichi kvadratiga bo‘lish kerak bo‘ladi.

Ya’ni quyidagicha: 60:(1,60×1,60)=23,44. Demak, bu holatda indeks 23,44 ga teng bo‘ladi.

Erkaklar uchun KETLE indeksidagi me’yoriy o‘lcham 19-25, ayollarda esa 19-24 oralig‘ida bo‘lishi maqsadga muvofiq.

TMI KO’RSATKICHI KAMCHILIKLARI

JSST tavsiya etgan TMI ko’rsatkichi interpretatsiyasi kishining jinsi va yoshini hisobga olmaydi. Ko’pchilik mamlakatlar

statistikasi erkaklarda TMI ayollarnikiga nisbatan biroz ko’proq bo’lishi aniqlangan. Bundan tashqari, TMI o’rta

yoshlilarda qariyalar va yoshlarnikiga nisbatan ham yuqoriroq.