Taraqqiyot strategiyasi I. Inson qadrini yuksaltirish va erkin fuqarolik jamiyatini yanada rivojlantirish orqali xalqparvar davlat barpo etish

25-maqsad: Raqamli iqtisodiyotni asosiy «drayver» sohaga aylantirib, uning 
hajmini kamida 2,5 baravar oshirishga qaratilgan ishlarni olib borish.  
Raqamli infratuzilmani yanada rivojlantirish orqali barcha aholi maskanlarini va 
ijtimoiy ob’yektlarni hamda magistral avtomobil yo‘llarini keng polosali ulanish tarmoqlari bilan 
qamrab olish. 
Iqtisodiyotning real sektorida hamda moliya va bank sohalarida ishlab chiqarish va 
operasion jarayonlarni raqamlashtirish darajasini 2026 yil yakuniga qadar 70 foizgacha oshirish. 
Dasturiy mahsulotlar industriyasi hajmini 5 baravar, ularning eksportini esa 10 baravar 
oshirib, 500 million AQSh dollariga yetkazish. 
26-maqsad: Mamlakatda investisiya muhitini yanada yaxshilash va uning 
jozibadorligini oshirish, kelgusi besh yilda 120 milliard AQSh dollari, jumladan 70 milliard 
dollar xorijiy investisiyalarni jalb etish choralarini ko‘rish. 
Investisiyalardan samarali foydalanish hamda eksport hajmlarini oshirish bo‘yicha, 
«pastdan-yuqoriga» tamoyili asosida, yangi tizimni yo‘lga qo‘yish. 
2026 yilgacha Xorijiy va mahalliy investisiyalarni jalb etish strategiyasini amalga 
oshirish. 
Davlat-xususiy sheriklik asosida energetika, transport, sog‘liqni saqlash, ta’lim, 
ekologiya, kommunal xizmatlar, suv xo‘jaligi va boshqa sohalarga 14 milliard AQSh dollarga 
teng investisiya jalb etish. 
Respublika hududlari va xorijiy mamlakatlar biznes vakillari o‘rtasida tashqi iqtisodiy 
aloqalarni o‘rnatish, jumladan Sirdaryo viloyatining Xitoy Xalq Respublikasi, Surxondaryo 
viloyatining Rossiya Federasiyasi hamda Jizzax viloyatining Hindiston biznes doiralari bilan 
investisiya va tashqi savdo aloqalarini rivojlantirish. 
Surxondaryo viloyatida «Investorlarga ko‘mak markazi», Navoiy viloyatida Navoiy 
kon-metallurgiya kombinati tomonidan «Biznesga ko‘maklashish markazi» va Toshkent 

---

shahrida «Ilg‘or loyihalar va injiniring markazi» va har bir tumanda «Innovasiya va texnologiya 
markazlari» tashkil qilib, tadbirkorlarga amaliy yordam ko‘rsatish. 
Toshkent shahrida har yili «Toshkent xalqaro investisiya forumi»ni o‘tkazib borish.