Тасдиқлайман

Ғ.Шертайлақов: савол. Мамлакатимизнинг ҳудудий жиҳатдан инфраструктурасини ривожлантиришда ҳудудларимизда табиат, ишчи кучлари ва молиявий салоҳияти кабиларнинг хилма ҳиллиги жуда аҳамиятли деб ҳисоблайсизми?
А.Р. Наркузиев: саволга жавоб. Тадқиқотимиз давомида ишлаб чиқилган ушбу прогноз кўрсаткичларимиз, юқорида таъкидлаганимиздек, динамик ва авторегрессив моделлар ёрдамида ишлаб чиқилган. Бизнинг прогноз натижаларимиз расмий прогнозларга нисбатан бироз фарқ қилади. Бунга сабаб, прогноз ўзгарувчилари мавсумийлик таъсиридан четланиш мақсадида ўтган йилнинг мос чорагига нисбатан ўзгариши танлаб олинган.
Раис: Марҳамат, савол бериш учун сўз навбати доцент. Ў.Джамоловга берилади.
Ў.И. Джамолов: савол. Ишлаб чиққан прогноз кўрсаткичларингиз реал воқеликка қай даражада мос келадими?
А.Р. Наркузиев: саволга жавоб. Ҳар қандай прогнозлаш жараёнлари техник жараён бўлиб, бошқа омиллар ўзгармас бўлганда деб қаралади. Яъни, прогнозлар макроиқтисодий, сиёсий ва геосиёсий барқарорлик шароитида прогнозлаш натижалари объектив натижа бериши ва реал воқеликни акс эттириши мумкин.
Раис: Марҳамат, савол бериш учун сўз навбати “Метрология стандатлаштириш менежменти” кафедраси доценти, PhD. Ғ.Бобоевга берилади.
Ғ. Бобоев: савол. Тадқиқотингизда иқтисодиётда кичик бизнес ва тадбиркорлик фаолиятини ривожлантиришдан ташқари қандай омилларнинг таъсирини ўргандингиз?
А.Р. Наркузиев: саволга жавоб. Тадқиқотнинг мақсади иқтисодий тадқиқотларда ҳудуднинг ресурслар билан таъминланганлигини тавсифлаш учун энг кенг тарқалган категория“ресурс салоҳияти” тоифасидир. Ҳозирги вақтда “минтақанинг ресурс салоҳияти” тушунчасини талқин қилишда турлича ёндашувлар аниқланди. Бошқа омилларнинг таъсири инобатга олинмади.
Ғ. Бобоев: савол. Тадқиқотингизда ҳудудларнинг ресурслар билан таъминланганлиги таъсири ўрганилганми?
А.Р. Наркузиев: саволга жавоб. Бутун мамлакат экспорт кўрсаткичларига нисбатан кичик ва ўрта корхоналарнинг экспорт кўрсаткичлари 2010-йилдаги 13,7 фоиздан 2021-йилда 22,3 фоизгача ўсди. 2022 йилда кичик ва ўрта корхоналар импорти барча импортнинг деярли ярмини ташкил этди.