Tashkilot imijini shakllantirishda

Artel o’z qadriyatlari haqida shunday deydi:

Iste’molchi – bizning mo`ljalimiz. Biz iste’molchilarni mamnun qilish uchun barcha harakatlarni amalga oshiramiz. Iste’molchi manfaatlarining himoyachisi – doimo haq.
Shaxsiy hurmat. Umumiy maqsadlarga muvaffaqiyatli erishish yo`lida har birimiz o`z hissamizni qo`shamiz, shuning uchun hurmatga, odilona munosabatga va ishonchga loyiqmiz.
Doimiy takomillashish. Biz o`z oldimizga yuksak maqsadlar qo`yamiz, ularga erishgaсh, maqsad pog`onasini yanada ko`taramiz. Bugungi ish kechagisidan yaxshiroq bajarilishi shart!.
Mas’uliyat. Biz o`z ishimiz uchun mas’uliyatni boshqalarga yuklamaymiz. Biz kamchiliklarga ko`z yummaymiz, halollik bilan ish tutib, xatolarni takrorlamaslikka harakat qilamiz¹.


Artel strategiyasi:
Artel kompaniyasi doimiy ravishda rivojlanishi uchun o’zi uchun quyidagi strategiyani ishlab chiqqan:
- Raqobatbardosh, ishonchli, sifatli va ayni paytda ommabop, iste’molchilar kutganidan ham afzalroq mahsulotni yetkazib berish yo’li bilan yangi tashqi bozorlarga kirib borish;
- Xalqaro va milliy standartlar talablariga mos mahsulotni ishlab chiqarishga qaratilgan loyihalashtirish va ishlab chiqarishning progressiv usullarini joriy etish;
- Kompaniyaning barcha xodimlarini malakasini va mahoratlarini oshirish, mehnat faoliyati uchun qulay shart-sharoitlar yaratish, xodimlarni rag’batlantirish uchun ijtimoiy yo’naltirilgan dasturlarni amalga oshirish, shuningdek davlat ijtimoiy dasturlarida ishtirok etish;
- Iste’molchilarning kompaniya mahsulotlariga nisbatan xohishlarini va ehtiyojlarini o’rganish hamda ularni qoniqqanligini baholash va uni doimiy oshirib borish bo’yicha tizimli ishlarni olib borish;
- Iste’molchilarga servis xizmatlarini ko’rsatish darajasini muntazam takomillashtirish;
Shubhasiz, bunday maqsadlarga erishishda kompaniyaga nafaqat sifatli tovarlar, balki to’g’ri qo’llanilgan sifatli PR texnologiyalar ham juda zarur. Har qanday PR texnologiya jarayonini tashkil etish esa quyidagi 4 bosqichni o’z ichiga oladi: