Tashqi iqtisodiy faoliyat statistikasi

1 – jadval
Kapital harajatlar hisobi tuzilishi

Foydalanish	Resurslar
«Tashqi dunyo» bilan joriy operatsiyalar qoldig‘i	«Tashqi dunyo»ga kapital transfertlar
Er va nomoddiy aktivlarning sof haridlari	Sof kreditlar (Q)
«Tashqi dunyo»dan kapital transfertlar	Sof qarzlar (-)
JAMI	JAMI

Resurs qismida boshqa davlatlar tomonidan olinadigan daromad natijalari bo‘lgan barcha operatsiyalar ko‘rsatiladi.

BMT va ESIES MXT me’yorlari bo‘yicha kapital transfertlarga tabiiy ofat yoki harbiy harakatlardan ko‘riladigan chiqimlarni davlat tomonidan to‘lanishi, boshqa davlatlarga iqtisodiy yordam ko‘rsatishda, kapital qurilishlarga beriladigan, qaytarib berilmaydigan moliyaviy yordamlar kiritiladi:
- sarmoyalar uchun subsidiyalar;
- kapital uchun soliqlar;
- boshqa kapital transfertlar.
«Tashqi dunyo» sarmoyalari uchun subsidiyalar birlik norezidentlarni kapital jamg‘arishini moliyalashtirish transfertlari bilan cheklangan bo‘lishi kerak. Bunga ko‘priklar, yo‘llar, fabrikalar, kasalxona yoki maktablarni qurish, rivojlanayotgan mamlakatlardagi qurilishlar uchun qaytarib berilmaydigan transfertlar kiradi. Kapital uchun soliqlar – muntazam bo‘lmagan majburiy to‘lovlar, davlat boshqaruv organlari tomonidan kapital yoki xo‘jalik birliklari mulkidan olinadigan soliqlar. Kapital uchun soliqlarga quyidagilar kiritiladi.
- kapital va mulkdan kelgan soliqlar va to‘lovlar;
- meros uchun soliqlar, o‘zbek fuqarolari tomonidan chet el soliq hokimiyatlariga to‘lanadigan poshlinalar.
Boshqa kapital transfertlarga:
- boshqa davlatlarga asosiy fondlarni qaytarib berilmaydigan qilib berish;
- «Tashqi dunyo»ga bir necha moliyaviy yilda yig‘ilgan chiqimlarni qoplash uchun transfertlar hamda har yillik bir tomonlama nafaqa fondiga to‘lovlar;
- meros va voz kechishlar;
- boshqa davlatlarning asosiy fondlari ziyonlari uchun kompensasiya to‘lovlari kiradi.
Moliyaviy hisob va uning asosiy ko‘rsatkichlari
«Tashqi dunyo» tarmog’ining moliyaviy hisobi, asosan, turli xil tarmoqlarga tegishli bo‘lgan, chet el aktivlari, qabul qilingan moliyaviy majburiyatlar bilan rezidentlar o‘rtasida bajariladigan iqtisodiy operatsiyalarni amalga oshiradi.
Moliyaviy hisob.