Tashqi qurilmalar bilan bog‘lanishni ta’minlovchi interfeys qurilmalari

Bu registrlar qanday ishlaydi? Bu registrlar faqat STS rejimi tanlanganda ishga tushadi. Taymer kirish impulslarini hisoblab turadi. SHu bilan birga uning qiymatlari doimo moslik registri qiymatlari bilan solishtirilib turadi. Agar taymerda ikkita registr bo‘lsa, u holda shu ikki registrning xar biri uchun aloxida –aloxida solishtirish amali bajariladi. Agar solishtirilayotgan qiymatlar o‘zaro mos tushsa, u holda uzilish ro‘y beradi. Uzilishdan tashqari yana 2ta xodisa ro‘y berishi mumkin:

1. Taymer bitlari “Tozalanishi” mumkin (bu xodisa faqat OCR1 va OCR1Alar uchun o‘rinli).

2. MK chiqishlaridan birining holati o‘zgaradi (bu xolat xamma registrlar uchun o‘rinli).

Bu xodisalarning qaysi biri ro‘y berishi taymerni sozlashda aniqlanadi.

Tez harakatlanuvchi KIM (Fast PWM)

KIM bu keng impulsli modulyator. KIM (Fast PWM) yordamida elektrodvigatellarni boshqarish mumkin. Buning uchun dvigatelga doimiy kuchlanish berish o‘rniga to‘g‘ri burchakli impulslarini berib, uni boshqarish mumkin. Dvigatelda yuz beruvchi inersiya xodisasiga ko‘ra impulslar tekislanadi va dvigatel bir maromda ishlayveradi.

Impuls g‘ovagi o‘lchamini o‘zgartirib, dvigatelga berilayotgan kuchlanish miqdorlarini o‘zgartirib turish mumkin. Natijada dvigatel tezligini o‘zgartirish mumkin.

Impuls g‘ovagi o‘lchamini o‘zgartirib, dvigatelga berilayotgan kuchlanish miqdorlarini o‘zgartirib turish mumkin. Natijada dvigatel tezligini o‘zgartirish mumkin.

Xuddi shunday boshqa qo‘shimcha qurilmalarni xam boshqarish mumkin. Masalan: elektr isitkich elementini, lampochkalarni va h.o.

Impulsli boshqarishda, boshqarish KPDsi yuqori bo‘ladi.

KIM signalini shakllantirishda moslik registridan foydalaniladi. Signalni shakllantirish turli usullarda amalga oshirilishi mumkin.

KIM signali MKning maxsus oyoqchalarida shakllantiriladi. Takt generatoridan taymer kirish joyiga impulslar beriladi. Taymer bu impulslarni hisoblab boradi va u tulganda o‘z qiymatini 0ga aylantiradi va hisobni yangidan boshlaydi. KIM rejimida taymer uzilishlarni ishga tushirmaydi. TaymerningTCNTn bu faoliyati yuqoridagi rasmda arra tishli egri chiziqlarda ko‘rsatilgan. Bu chiziqlardan ko‘rinib turibdiki taymerning ish faoliyati vaqtga bog‘liq ekan. Hisobchi registr TCNTnning qiymati moslik registri OCRn qiymati bilan uzluksiz solishtirilib turadi. OCRn qiymati TCNTnning qiymatidan katta bo‘lib turgan vaqt ichida (OCRn>TCNTn) KIM chiqish joyida mantiqiy 1 signali namoyon bo‘lib turadi.OCRn qiymati TCNTnning qiymatidan kichik bo‘lib turgan vaqt ichida (OCRn ) KIM chiqish joyida mantiqiy 0 signali namoyon bo‘lib turadi. Natijada biz to‘g‘ri burchakli impulslar hosil qilamiz. Impulsning g‘ovagi miqdori OCRnmiqdoriga bog‘liq. OCRnning miqdori qancha kichik bo‘lsa, g‘ovak miqdori shuncha katta bo‘ladi. Agar OCRnning qiymati maksimal bo‘lsa, chiqishdagi impulslar yo‘qoladi va u erda doimiy mantiqiy 1 qiymat bo‘ladi. Agar OCRnning qiymatini sekin – asta kamaytirib borsak 0ovaklik xam kamaya boradi. Agar OCRnning qiymati minimumga etsa chiqishda doimiy mantiqiy 0 signal paydo bo‘ladi.