Тема-2: правила определения стоимости строительства укрупненным методом

ҚҚЙК тайёрланадиган ўлчов бирлиги бино ва иншоотнинг характеридан ва уларнинг ҳажмий режавий ечимларидан ҳамда конструктив тузилишидан келиб чиқиб танланади.
Шунингдек, ўлчов бирлигини объектдан фойдаланиш хусусияти ва мақсадидан келиб чиқиб танланиши мумкин.
Ўлчов бирлигига мисол:
Тураржой биноларида – 1м2 туратжой, 1м2 умумий майдон, бинонинг истеъмол хусусиятларини инобатга олган ҳолда (нуфузлилиги, уй тури, конструкцияси ва бошқа).
Жамоатчилик биноларида – бир ўрин, ўқувчи ўрни, бемор койкаси ва бошқа.
Ўлчов бирлиги: Ишлаб чиқариш биноларида:

• бир турдаги махсулот ишлаб чиқарувчи корхоналарда бир бирлик қувват миқдори ёки ишлаб чиқариш ҳажми (йиллик махсулот ишлаб чиқариш ҳажми, сиғим ҳажим, ўтказиш қувати ва бошқалар);

- тўлиқ бино ёки иншоот (бир хил вазифага мўлжалланган – насосхона, қозонхона объекти, резервуар-цестерналар ва бошқалар);

• бино ва иншоотнинг умумий (фойдали) ишлаб чиқариш майдони бирлигига (м2, 1000м2);
• у ёки бу объектнинг функционал хусусиятини тўлароқ акс эттирувчи бошқа ўлчов бирликлари (км узатиш линияси иншоотлари, кВт ўрнатилган қуввати ва бошқа).

2. ҚҚЙК усулида ҳисоблашда объектдан фойдаланиш хусусиятларини ҳисобга олган ҳолда аналог-объект танлаш

ҚҚЙК асосан қуйидаги хусусиятларга эга бўлган аналог-объектлар асосида ишлаб чиқилади:

• тураржой-фуқаролик мақсадида фойдаланиладиган, нисбатан кўп қуриладиган бино ва иншоотларнинг асосий тўлдирувчи материалллари (ғишт, панел, блокли ва б.), қаватлари сони, тури (секцияли, подездли, коттедж.) ва функционал вазифасидан келиб чиқиб;
• жамоат биноларининг сиғими ва қувватидан келиб чиқиб;
• ишлаб чиқариш объектлари йиллик ишлаб чиқариш ҳажми, сиғими, ўтказиш қуввати ва бошқаларга боғлиқ ҳолда функционал вазифаси ва бажариладиган ишларнинг технологик характеридан келиб чиқиб.

ҚҚЙК техник-иқтисодий кўрсаткичлари ҳозирги кун талабларига жавоб берадиган ва кўплаб (массавий) қурилаётган ҳамда амалдаги қурилиш-лойиҳалаш ишлари ҳуқуқий-меъёрий асослар талабларига жавоб берадиган лойиҳалар асосида ишлаб чиқилади.
ҚҚЙКни ишлаб чиқиш учун қабул қилинадиган объектнинг ресурс смета ҳужжатлари таркибида қуйидагилар ҳисобга олинган бўлиши лозим:
а) қурилиш учун ажратилган ер майдонини тайёрлаш ва муҳандислик ишларини амалга ошириш, мавжуд объектларни бузиш ва тугатиш, муҳандислик коммуникацияларини ўтқизиш ва бошқа ишлар;
б) объект бўйича барча қурилиш-монтаж ишлари, жумладан, лойиҳада кўзда тутилган ички мухандислик-санитар-техник ва электромонтаж ишлари, кам қувватли қурилмалар ва тармоқлар, лифт ва қаттиқ чиқинди ташлаш иншоотлари ва бошқалар;
в) ташқи сув таъминоти, канализация, иссиқлик, энергия таъминоти, радио ва телефон тармоқлари қурииши ҳамда уларни ташқи тегишли шаҳар мухандислик тармоқларга улаш ишлари;
г) ҳудудни ободонлаштириш ишлари бўлиши лозим.