Tema: Ilmiy dóretiwshilik-insan madeniy iskerliginiń joqarı túri

Úyge berilgen tapsırmanı soraw hám bahalaw kriteriyaları.
Berilgen tapsırmanı soraw tártibi tómendegishe ámelge asırıladı: tapsırmalar jazılıp, nomerlengen tarqatpa qaǵazlar stol ústine jayıladı. Student óziniń qálegen nomerin saylaydı hám sol nomerdegi tapsırmanı orınlaydı. Tapsırmanı orınlap bolǵan studentke ornında otırǵan studentlerden biri qosımsha soraw beredi. Doskaǵa shıqqan studenttiń tapsırmasın ornında otırıp kim birinshi taqtadaǵı studentten burın orınlap bolsa, ol studentkede bir qosımsha soraw berilip bahalanadı.

Bahalaw kriteriyası:

1. 
   Eger tapsırmanı anıq, tolıq orınlap hám qosımsha sorawǵa juwap berse «5» bahası menen bahalanadı.
   
2. 
   Eger tapsırmanı anıq, tolıq orınlap hám qosımsha sorawǵa shala juwap berse yamasa tapsırmanı orınlawda azı-kem qátelikke jol qoyıp, qosımsha sorawǵa tolıq juwap berse «4» bahası menen bahalanadı.
   
3. 
   Eger tapsırmanıda shala orınlaw sorawǵada shala juwap berse «3» bahası menen bahalanadı.
   
4. 
   Eger tapsırmanı orınlay almasa, sorawǵada juwap bere almasa «2» bahası menen bahalanadı.
   

Paydalanılǵan ádebiyatlar:

1. 
   Ishmuhamedov R. J., Joldasev M. Bilimlendiriw hám tárbiyada zamanagóy pedagogikalıq texnologiyalar.- T.:- Nál baspası, 2016.
   

2. “STEAM ta’lim tizimi nima?” https://www.integer.uz/steam
https://pm.piima. uz/steam-ta-lim
https://infourok. ru/innovacionnye_tehnologii_stem_tehnologii_v_obrazovanii466748. htm

(2-qosımsha)

Tema: STEAM hám SMART(aqıllı bilimlendiriw) texnologiyaların joqarı bilimlendiriw
sistemasında qollanıw.

Reje:
1. STEAM bilimlendiriw sisteması.
2. SMART bilimlendiriw texnologiyası.
3. SMART oqıtıw bul-aralıqtan oqıtıw.

Kirisiw:
“STEAM hám SMART bilimlendiriw texnologiyası” páninde oqıw processin shólkemlestiriw jáne onıń sapasın támiyinlew boyınsha zamanagóy jantasıwlar, innovciyalıq texnologiyalar salasındaǵı aldıńǵı tájiriybeler modullı-kredit sisteması tiykarında islep shıǵılǵan bolıp, bolajaq qánigelerdi qánigelik pánlerinen bilimlendiriw beriw metodikası, formaları, metodları, quralları hám de oqıtıwdıń aldıńǵı pedagogikalıq hám informaciya texnologiyalarına tiyisli bilim hám kónlikpeleri qáliplestiredi. Studentlerdiń bilimlendiriw hám tárbiyası processinde júzege keletuǵın qıyınshılıqlardı sheshe alıwında hám de olardıń keleshekte qánigelik pánlerden shınıǵıwlardı shólkemlestiriw hám ótkeriw boyınsha bilim hám kónlikpelerine iye boladı.
Pánniń maqseti:
Studentlerdi texnologiyalıq mádeniyat hám kompetentlik tiykarları páni boyınsha ilimiy maǵlıwmatlar menen tanıstırıw, texnologiyalıq mádeniyat, kompetentlik, kompetenciya túsinikleri, zamanagóy oqıtıwshınıń texnologiyalıq mádeniyatı hám kompetentligi, oǵan qoyılatuǵın talaplar, rawajlandırıw metodikaları menen tanıstırıw.