Terminal holatlar va reanimatsiya asoslari

Terminal holatlar va reanimatsiya asoslari

Tayyorladi: 2-davolash 109a-gurux talabasi Rustamova Madina

Tekshirdi: Yakubov Davron

Terminal holatlar turlari, simptomatikasi va diagnostikasi.

Terminal holatlarning har xil turlari mavjud:

1. qarilik natijasida hayotning tugashi;

2. tuzalmas kasallik natijasida;

3. vaqtidan oldin koʻngilsiz holatlar natijasida, oʻtkir va surunkali kasalliklar natijasida.

Terminal xolatlar shartli ravishda quyidagicha etaplarga boʻlinadi:

1. preagonal holat;

2. terminal pauza;

3. agoniya;

4. klinik oʻlim;

5. biologik oʻlim.

Biologik oʻlimdan tashqari yuqorida keltirilgan etaplarni reanimatsion muolajalar orqali orqaga yaʼni hayotga qaytarish mumkin.

Preagonal holat

– xushning yoʻqolishi, qon aylanishi va nafas harakatlarining toʻxtashi bilan kechadigan jarayon. Preagonal holatning qanday kechishi uni keltirib chiqaruvchi sabablariga bevosita bogʻliq:

1. elektroshokda mavjud boʻlmaydi;

2. ogʻir qon yoʻqotishlarda soatlab davom etadi;

3. tuzalmas kasalliklarda sutkalab davom etadi.

Preagonal holat cho’zilishi organizm zaxira kuchlarining kamayib, butunlay yoʻqolishiga olib keladi.

Terminal pauza

Preagonal holatlar nafasda terminal pauza bilan tugaydi va bunda kuzatiladi:

1. bradikardiya (asistoliyagacha);

2. AKB 0 gacha tushishi;

3. adinamiya;

4. arefleksiya.

Terminal pauza davomiyligi bir necha sekunddan 2-4 minutgacha boʻlishi mumkin.

Agoniya

– bu organizm hayot davomiyligining oxiri hisoblanadi. Bunda kuzatilishi mumkin:

1. xushning qisqa muddatli yaxshilanishi;

2. yurak va nafas xarakatlarining vaqtinchalik kuchayishi (patologik nafas);

3. AKB vaqtinchalik koʻtarilishi.

Agoniyada koʻp xollarda mushaklarning qisqa muddatli qisqarishlari va keyinchalik ularning boʻshashishi kuzatiladi.