Til – millat faxri! ”

“Til bayrami” ssenariysi
“Til – millat faxri! ”
Xona bayramona bezatiladi.Sahna to`rida tadbirga mos shior yozib qo`yiladi.Xona devorlariga til haqidagi maqollar yozilgan ko`rgazmalar tartib bilan joylashtiriladi.
Tadbir shiori ”Til – millat faxri”.O`quvchilar sahnada ikki qator bo`lib joylashishgan.Sahna o`rtasida ona siymosi ko`rinadi.Ona o`zining muqaddas qo`shig`i bo`lmish “Alla” kuyini kuylaydi.
10-sinf o`quvchisi Rajabov Yunus:
Assalom ona yurt tonglar nafasi,
Tarif, tavsifingni yo`q nihoyasi,
Senga bag`ishlanur muqaddas qo`shiq,
Bu o`zbek elining zo`r madhiyasi.
(Madhiya yangraydi.Barcha hurmat bilan kuylaydi.)
1-Boshlovchi:
Bu hayotning ziynati bahr-u bashorat assalom,
San’ati so’z naqshi bu nuri hidoyat assalom.
Xislati birla jahon ahliga ne’mat assalom,
Barcha insonga barobar yaxshi odat assalom.
2-Boshlovchi:
Men baxtli o`zbekman ozod insonman,
Tenglar ichra tengman taxtim,baxtim bor.
Men ko`hna zamonman,yangi zamonman,
Xalqim taqdirida o`z dastxatim bor.
1-Boshlovchi: Erkin ruh, toza qalb, ozoda nafas
Xalqim tafakkuri, sha`ni, orzusi.
Bizga nonday aziz, jondan muqaddas,
Buyuk O`zbekiston, Davlatim tili.
2-Boshlovchi: Assalomu alaykum,aziz mehmonlar,aziz o`quvchilar!Bu yil ona tilimizga davlat tili maqomi berilganiga 30 yil to`ldi.Yurtimiz bo`ylab ushbu muborak sana shodiyonasi kezmoqda.Shu munosabat bilan barchangizni chin qalbimizdan tabriklab, ona tili bayramiga bag`ishlangan”Til-millaning faxri” shiori ostida o`tkazilayotgan tadbirimizni ochib berish uchun so`z navbatini maktabimiz direktori Sh.Aralliyevga beramiz.Marhamat!..........
1-Boshlovchi: Rahmat ustoz. Har bir xalq, har bir millat , har bir elat o`zi hurmat ehtirom qiladigan tilga ega.Yurtboshimizning ta`biri bilan aytganda, bugun o`zbek tili mustaqil davlatimizning bayrog`i, gerbi, madhiyasi,konstitutsiyasi qatorida turadigan qonun yo`li bilan himoya qilinadigan muqaddas timsollardan biriga aylandi.
2-Boshlovchi: Dunyo ishi sho`x mavjlanadir ona tilimda
Har bir so`zi yuz ma`noli durdona tilimda
Izhori ko`ngil chog`I ipak tovlanadir ul,
Jang lahzalari g`olib-u mardona tilimda.
1-Boshlovchi: Do`stlarning shirin davrasida shir-u shakardir,
Har jilvasi bir gulxan-u gulxona tilimda.
Bor unda Navoiy ruhi-yu, unda Bobur bor,
Har shevasi bir qasr ila koshona tilimda.
2-Boshlovchi: Bugun o`z xalqi kelajagi uchun qayg`iruvchi, farzandlar kamoloti uchun o`zni daxldor deb bilguvchi har bir inson uchun sharafli kun.Negaki,bugun tilimizga davlat tili maqomi berilgan kun.