Til va madaniyat

E-mail: [e-mail]
For citation: Rikhsieva, K. G. 2021. “Semantic Development of the Lexeme "Kator-
ga".  Uzbekistan: Language and Culture  1 (1): 97–103.
103
“Katorga” leksemasining semantik taraqqiyoti

---

ISSN 2181-922X 104—109
O‘z qatlamga mansub ko‘rsatuv nomlari 
Nodir Hamroyev
1
Abstrakt
Ushbu maqolada O‘zbekiston televideniyesidagi o‘z qatlamga 
mansub bo‘lgan ko‘rsatuvlar nomlari tahlil qilingan. Shuningdek, 
ko‘rsatuv nomlarining bir-biriga yaqin jihatlari va farqlari ham o‘rganilib, 
teleko‘rsatuv nomlarining qaysilari mentalitetga xosligi, yana qaysilari esa 
o‘zbek tili qoidalariga zid ravishda qo‘llangani yoritib berilgan. Avvalo, 
davlat telekanallari va xususiy telekanallar o‘rtasidagi farqning katta 
ekanligini inobatga olgan holda ulardagi ko‘rsatuv nomlarining o‘xshash 
va farqli jihatlarini aytish o‘rinli deb hisoblaymiz. Davlat telekanallari 
bo‘ladimi yoki xususiy telekanal, ularning barchasida tonggi dasturlar 
mualliflik dasturlari hisoblanadi va ularning nomi ham o‘zaro o‘xshash. 
Masalan, “Yangi kun” ("Yoshlar" telekanali), “Assalom, O‘zbekiston” 
("O‘zbekiston"), “Shirchoy”, “Hormang” ("Milliy" TV), “Sevimli kun” 
("Sevimli"), “Ertalabdan salom” (Zo‘r TV), “Yulduzli tong”, “Omon-
omon” ("Mening yurtim") va hokazolar. Misollardan ko‘rinib turibdiki, 
tonggi dastur nomlarining barchasi salomlashish, kunni xayrli boshlash, 
shukronalik hissini anglatuvchi ma’noga ega.
Kalit so‘zlar: televideniye, teleko‘rsatuv, o‘z qatlam, o‘zga qatlam, 
mentalitet, innovatsiya, ko‘ngilochar ko‘rsatuvlar, informatsion ko‘rsatuvlar.
Kirish
O‘zbekiston mustaqillikka qadam qo‘yar ekan, uning oldida 
juda muhim tanlov turar edi. Ya’ni u o‘z yo‘nalishini, kelajakka 
poydevor bo‘la oladigan yo‘lni tanlashi kerak edi. Shunday vaziyatda 
vatanimiz demokratiyani tanladi. Mamlakatning demokratlashuvi 
juda murakkab jarayon bo‘lib, uni bir necha yillar davomida 
emas, bir necha o‘n yillar davomida amalga oshirish mumkin. 
Mana mustaqillikka erishganimizga o‘ttiz yil to‘lish arafasida 
bo‘lsa ham jahon miqyosida olib qaralganda mamlakatimiz 
demokratlashayotgan davlatlar qatoriga kiradi. Davlatning qay 
1Hamroyev Nodir Hasanovich – mustaqil tadqiqotchi, Alisher Navoiy nomidagi 
Toshkent davlat o‘zbek tili va adabiyoti universiteti.