Tili tarixi

baqcha  (bo’ston)  [AZ,28],  qapu  (eshik,  darvoza)  [AZ,28],  tïlmach 
(tarjimon)  [AZ,31],  quna//duna  (ikki  yoshli  ho’kiz  bolasi)  [AZ,38], 
uchmaq  (jannat)  [AZ,38],  tamu  (do’zax)  [AZ,38],  buz  (qirov) 
[AZ,38], käshir (sabzi) [AZ,41], yazïq (kamchilik, ayb) [AZ,50], tabu 
(xizmatchi)  [AZ,50],  igi  (yaxshilik)  [AZ,50],  shag`ïr  (may)  [AZ,51], 
bursh (qarz) [AZ,55], susmor (to’qmoq) [AZ,56] kabilarni aytib o’tish 
mumkin.  
Mazkur  guruhdagi  so’zlarning  aksariyati  hozirda  o’zbek  xalq 
shevalari,  chunonchi,  qipchoq-o’g`uz  shevalarida  qo’llaniladi.  Bunga 
misol  sifatida  kent,  kärvich//kärbich,  qapu,  sürüg,  käshir  so’zlarini 
aytish  mumkin.  Kent  so’zi  Janubiy  Xorazm  shevalarida  qishloq 
[O`XShL,141],  kärvich  so’zi  Xiva,  Urganch  shevalarida  g`isht 
[O`XShL,142],  qapu  so’zi  Xorazm  shevalarida  eshik  [O`XShL,156], 

---

82 
sürüg so’zi Janubiy Xorazm va Qashqadaryo shevalarida guruh, to’da 
[O`XShL,244]  va  käshir  so’zi  Janubiy  Xorazm  shevalarida  sabzi 
[O`XShL,66] ma’nolarida hozirda ham qo’llanishda davom etmoqda. 
Alohida ta’kidlab o’tish lozimki, “Attuhfa” so’zligida keltirilgan 
ko’plab  so’zlar  Mahmud  Koshg`ariyning    “Devonu  lug`otit  turk” 
asarida  uchraydi.  Bunga  misol  sifatida  tuturg`an//birinch  (guruch) 
[AZ,16], üki//uxï [AZ,25], bäsräk (erkak tuya) [AZ,26] kabi so’zlarni 
aytib  o’tish  mumkin.  “Attuhfa”da  keltirilgan  sinäk  so’zi  [AZ,26] 
“Devonu  lug`otit  turk”  asarida  ham  mavjud  bo’lib,  Mahmud 
Koshg`ariy  uni  “shaharda  pashsha,  sahroda  chivin  ma’nosida 
tushunadilar”, deb aytadi [DLT,I,378]. 
Lug`atda  sart  so’zi  qora  xalq  ma’nosida  izohlangan.  Uning 
arabcha  nomi  omi  (savodsiz,  o’qimagan;  avom)  deb  keltirilgan 
[AZ,85].  Boshqa  bir  o’rinda  sart//tat  shaklida  qo’llanilgan  bo’lib, 
uning izohi shaharli deb izohlangan [AZ,44]. “Attuhfa” asari muallifi 
qipchoq  tilida  olam  ma’nosida  el  va  elkun  so’zlari  qo’llanilganligini 
aytib o’tadi [AZ,24]. 
Grammatikaga bag`ishlangan uchinchi bobda qipchoq tiliga xos 
morfologik  va  sintaktik  xususiyatlar  arab  tili  grammatikasi  asosida 
talqin etilgan. Unda nazarda tutilgan tilga xos morfologik va sintaktik 
xususiyatlar 
alohida-alohida 
mavzular 
bo’yicha  o’rganilgan.  
Mavzularning  nomi  “Olmoshlar”,  “Ishorat  ismlari”,  “Kichraytirish”, 
“Ismi  foil”,  “Joy  nomi”,  “Qurol  ismi”,  “Masdar”,  “Ko’pliklar”, 
“Sonlar”, “Gap tarkibi”, “Ega va kesimlar”, “Hol” kabilardan iborat. 
Masalan,  muallif  “Sonlar  bo’limi”da  qipchoq  tilidagi  sonlarni  to’rtta 
darajaga  ajratadi:  birlar  (birdan  o’nga  qadar  bo’lgan  sonlar)  –  bir, 
ikki,  uch,  dort,  besh,  alti,  yadi,  segiz,  tog`uz;  o’nlar  (o’ndan  yuzga 
qadar bo’lgan sonlar) – on, yegirmi, ottuz, qïrq, elli, atmish, yetmish, 
sksan, toqsan [AZ,9]. 
Shundan  so’ng  muallif  yuzdan  mingga  qadar  bo’lgan  sonlar 
haqida fikr yuritadi. Bunday sonlar sifatida ikki yүz, үch yүz kabilarni 
misol sifatida aytib o’tadi. Mingdan katta miqdorni bildiruvchi sonlar 
xususida  ma’lumot  bermagan.  Tartib,  jamlovchi  va  taqsim  sonlar 

---

83 
to’g`risida  qisqacha  izoh  berib,  taqsim  sonlarning  –ar//-är  affiksi 
bilan  yasalganlari  bo’yicha  misollarni  keltirib  o’tadi:  ikishar 
(ikkitadan),  beshar  (beshtadan)  [AZ,128].  Izoh  sifatida  aytish 
mumkinki,  mazkur  shakl  taqsim  son  ifodalanishining  qadimgi  usuli 
bo’lib,  o’zbek  tilida  uning  qo’llanishi,  asosan,  XV  asrgacha  davom 
etgan
1
. 
Asarning  qimmatli  tomoni  shundaki,  unda  turli  soha  va 
yo’nalishlarga  oid  leksik  birliklar  keltirilgan.  Ularni  ayrim  mavzu 
guruhlari bo’yicha quyida tasniflashga harakat qilamiz: 
1.  Qon-qarindoshlik  va  yaqinlik  tushunchasini  anglatuvchi 
so’zlar:  ata//ada//äbä//dada  (ota),  ana  (ona),  qardash  (yor-birodar), 
qïzqardash  (singil)  [AZ,11];  qïz  [AZ,23];    küyäv  (kuyov),  qaynana 
(qaynona) [AZ,44]; avrat (xotin) [AZ,13] va boshq. 
2.  Hayvon  va  parranda  nomlari  –    zoologik  terminlar:  arslan 
(arslon),  ïtlaqaz  (bir  xil  qush),  tavshan//qïyan  (quyon),  zag`isg`an 
(zag`izg`on)  [AZ,15];  tog`an  (lochin),  ükü  (uki),  ördäk  (o’rdak), 
avug`az  (bir  xil  qush),  qutan  (qush),  qalak    (burni  uzun  qush), 
qaraqaz (xonaki g`oz), talaqaz (yovvoyi g`oz) [AZ,25];  sig`ir (sigir), 
qatïr  (xachir),  qarsaq//shaqal  (chiya  bo’ri)  [AZ,26];  täkä  (echki), 
qoduq  (xo’tik),  tüvä  (tuya)  [AZ,31];  eshäk,  yapag`li  (toycha),  bota 
(bo’taloq),  shishäk  (echki  bolasi)  [AZ,46];  oqarchïn  (kaptar), 
shörshäk  (qari  tuya),  keklik  [AZ,47];  ayu  (ayiq),  tavuq,    chumuq 
(chumchuq) [AZ,55] va h.k. 
3.  Shaxsning  xarakter-xususiyatini  ifodalovchi  so’zlar:  kösä, 
tamaqsav  (ochko’z),  shashi  (kunduz  ko’rmovchi),  käshäl  (sochi 
to’kilgan odam), taz (kal), kör, soqur (bir ko’zli), shapaqli (ko’z yoshi 
tinmay oquvchi) [AZ,12]; sangrav (kar), qingïrayäk (qiyshiq og`izli), 
sholaq (cho’loq), bükri, aqsaq [AZ,13] va boshq. 
4.  Rang  ma’nosini  bildiruvchi  so’zlar:  aq,  qara,  qïzïl,  sarï, 
yashil,  kök,  ala  [AZ,11];    yilmanik  (moviy  rang),  qara  yuruz  (xira 
qora) [AZ,12] va h.k. 
                                                           
1
 Абдураҳмонов Ғ., Шукуров Ш. Ўзбек тилининг тарихий грамматикаси. –Т.: Ўқитувчи, 
1973. – Б. 87. 

---

84 
Bulardan  tashqari  lug`atda  yana  quyidagi  mavzuiy  guruhlarga 
kiruvchi  so’zlar  keltirilgan:  kishi  yoshini,  vaqt,  zamon  tushunchasini 
ifodalovchi  so’zlar,  fitonimlar,  uy-ro’zg`or  buyumlari  nomi,  oziq-
ovqat  va  ichimlik  anglatuvchi  so’zlar,  tabiat  hodisalari  va  koinot 
jismlari    nomlari,  etnonimlar,  narsa-buyum,  miqdor,  hajm,  o’lchov 
nomlari,  harakat-holat  hamda  mavhum  tushunchalarni  anglatuvchi 
so’zlar. 
So’zlikda  –chi  affiksi  bilan  yasalgan  so’zlar  ko’p  uchraydi. 
Bundan  anglash  mumkinki,  mazkur  davrda  ushbu  affiksning  so’z 
yasash imkoniyati keng bo’lgan. U otga qo’shilib, kasb-hunar, mansab 
ma’nosini  ifodalovchi  ot  yasagan.  Bunga  doir  ayrim  misollarni 
keltirib  o’tamiz:  tamg`achï,  kemächi,  elchi  (tez  chopar,  pochtachi) 
[AZ,8].  So’zlikda  -chi  affiksi  fe’lga  qo’shilib,    kasb-hunar,  mansab 
ma’nosini  ifodalovchi  otlar  yasalgan  so’zlar  ham  uchraydi:  avlavchi 
(ovchi) [AZ,22], toquvchi  (to’quvchi) [AZ,46]. 
Shuningdek,  -lik  affiksi  bilan  yasalgan  so’zlar  ham  asarda  ko’p 
miqdorda  mavjud.  Ma’lumki,  Mahmud  Koshg`ariy  “Devonu  lug`otit 
turk”  asarida  bu  affiksning  jarangsiz  [q,  k]  undoshlari  bilan  kelgan 
variantlari  ot  yasash  uchun,  jarangli  [g`,  g]  undoshlari  bilan  kelgan 
variantlari  esa  sifat  yasash  uchun  xizmat  qilishini  aytib  o’tgan 
[DLT,I,167].  Lug`atda  mazkur  affiks  bilan  yasalgan  quyidagi  kabi 
so’zlar  izohlangan:    iglig  (xastalik),  qalïnlïq  (qalinlik),  aydinlik 
(yorug`lik) [AZ,36]. 
 “Attuhfa”  asarida  ijtimoiy,  siyosiy,  iqtisodiy,  ilmiy,  diniy  va 
ma’rifiy sohalarga doir ko’plab qipchoq tili so’zlari keltirilgan bo’lib, 
ular  asosida  turkiy  xalqlarning  tarixini  atroflicha  bilish,  o’sha  davrga 
xos  turmush  tarzi  xususiyatlarini  aniq  anglash  imkoniyati  mavjud. 
Alohida  ta’kidlash  o’rinliki,  so’zlik  turkiy  leksikografiya  tarixida 
katta  ahamiyatga  ega  bo’lib,  uning  rivojida  muhim  o’rin  tutadi. 
Shunga ko’ra asar turkiy tillar  tarixini, uning taraqqiyot bosqichlarini 
o’rganishda,  leksikasida  yuz  bergan  semantik  va  miqdor 
o’zgarishlarini belgilashda asosiy manbalardan biri bo’lib qoladi. 
 

---

85