Тошкент давлат аграр университети томорқа сабзавотчилиги

НАВЛАР
АЯКС – МИКС F1. Эртапишар Голландия дурагайи, ўсув даври 67–76 кун. Меваси 
цилиндрсимон, ўлчами 12х4,5 см.
НАВРЎЗ. Эртапишар нав, ўсув даври 83 кун. Мева шакли цилиндрсимон, узунли-
ги 15 см, юзаси силлиқ, нав касалликларга чидамли.
НАФИС. Ўртапишар нав, ўсув даври 90 кун. Меваси силлиқ, узунлиги 11-12 см, 
тузламабоп. Ташишга қулай, касалликларга чидамли.
УЗБЕКСКИЙ-740. Узоқ йиллардан буён етиштириб келинаётган ўрта-кечпишар 
нав. Меваси 10–15 см катталикда, юзаси текис, жилоли. Нав қурғоқчилик, иссиқ ва 
замбуруғли касалликларга чидамли.
ТАЛАБА. Ун-шудринг касаллигига чидамли нав. Меваси цилиндрсимон, ранги тўқ 
яшил, расмсиз, юзаси силлиқ.
ОМАД. Эртапишар нав, уруғи униб чиққач 40 кундан сўнг терила бошлайди. Ме-
васи цилиндрсимон, юзаси силлиқ, расмсиз. Нав ун-шудринг касаллигига чидамли. 
ПАССАРАБИО F1 (корнишон). Майда мевали Голландия дурагайи ме-валари 
жуда майда, узунчоқ, вазни 20–30 г келади. Ўсув даври 65–90 кун.
АМУР F1. Ўртапишар Голландия дурагайи, ўсув даври 85 кун. Меваси цилиндрси-
мон, узунлиги 17–19 см, юзаси тукли ва ғадир-будир, ранги тўқ яшил.
ЗЕНА F1. Япония дурагайи, очиқ далада ёзги муддатда етиштиришга мўлжаллан-
ган. Меваси цилиндрсимон, узунлиги 15–17 см, юзаси силлиқ, тўқ яшил. Пратено-
карпик дурагай, ўсув даври 105 кун.
АЛИБИ F1. Ўртапишар Голландия дурагайи, ўсув даври 84–90 кун. Меваси ци-
линдрсимон, узунлиги 12–14 см, юзаси текис, ялтироқ, қора тукчалар мавжуд. Ме-
васи серсув, хушбўй ҳидли, касалликларга чидамли.
МУАММОЛАР: БОДРИНГ ВА БОШҚА ҚОВОҚДОШЛАР
Ёпиқ усулда етиштириладиган бодринглар анча нозик бўлиб кўп сонли бактерия 
ва вирусли касалликлар билан зарарланишга мойил бўлади. Бу касалликларнинг 
кўпчилиги тупроқни нотўғри тайёрлаш ёки агротехникада хатоларга йўл қўйиш 
орқали келиб чиқади.
Бодрингни очиқ усулда етиштириш бирмунча осонроқ, аммо унинг агротехни-
касига ҳам жиддий эътибор бериш лозим. Бинобарин, кулранг чириш, ун шудринг, 
барг мозаикаси каби касалликлар очиқ усулда етиштириладиган бодрингларга 
жиддий зарар етказиши мумкин.

---

Cабзавотлар ва уларни етиштириш
67