Toshkent davlat iqtisodiyot universiteti abdurahmonov Q. X., Boqiyeva I. A

Qisqacha xulosalar 
 
Personal  rivojlanishi  auditini  o’tqazda  auditor  tashqi  muhit  holati,  xodimning 
manfaatlari  va  tashkilot  strategiyasi  nuqtai  nazaridn  alohida  lavozimlarga  nisbatan 
korxonaning  inson  salohiyatidan  o’rta  muddatli  va  uzoq  muddatli  foydalanish 
imkoniyatlarini ko’rib chiqadi. 
Personal  rivojlanishi  parametrlarini  baholashning  umumiy  ko’rsatkichlariga 
kompaniyada  o’qitilgan  xodimlar  soni,  o’qitish  hajmi  dinamikasi  kabilarni  kiritish 
mumkin.  Shu  bilan  birga  personal  rivojlanishining  xajm  va  iqtisodiy  ko’rsatkichlari 
ham mavjud. 
Auditor  tashkilotning  malaka  oshirish  dasturlari  bilan  tanishadi  va  xodimlarni 
o’qitishga  ehtiyoj  mavjudligini  o’rganadi,  o’qitish  maqsadlarining  ko’rsatkichlarni 

---

 
156 
aniqlashtiradi,  o’qitish  usullarini  tanlaydi  va  o’tkazadi,  o’qitishdan  oldin  va  keyingi 
natijalarni  o’lchash  va  dastur  samaradorligini  yakuniy  baholash  haqida  xulosa 
chiqaradi.  U  baholashda  maxsus  qaydlar,  intervyu,  anketa,  test  va  baholash 
matristalaridan foydalanadi. 
Personal auditi karera o’sishi tizimi zaxiralarini izlab topishga yo’naltiriladi, bu 
esa  xodimlarga  ularning  harakatlanish  uchun  o’z  ehtiyojlarini  aniqlashga,  individual 
va  korporativ  maqsadlarni  muvofiqlashtirgan  holda  korxona  ichida  to’g’ri  keladigan 
karera  imkoniyatlari  haqida  axborot  tayyorlashga  yordam  berishi  mumkin.  Auditor 
kadrlar karerasining o’zgarishini   xodimlarning bo’sh ish o’rinlari haqida xabardorlik 
darajasi,  unga  muvofiq  xodimlar  bu  o’rinlarga  da’vogarlik  qilishi  mumkin  bo’lgan 
tizim  ko’rsatilganligi,  xodimlarni  karerani  rejalashtirishda  yordam  ko’rsatilganligi, 
xodimlar  va  rahbariyat  o’rtasida  bu  karera  maqsadlari  haqida  ongli  ravishdagi 
muloqot mavjudligini baholaydi.