Toshkent davlat iqtisodiyot universiteti toshkent moliya instituti

Ushbu bobning yakuni sifatida quydagilarni ko‘satib o‘tishimiz mumkin:

1. 
   Kompaniya biznes-modelini tanlash va uni tashkil qilish murakkab jarayon bo‘lib, bunda bir qamcha masalalar ko‘rib chiqilishi lozim;
   
2. 
   Internetda biznes-modellar yaratish bo‘yicha bir qancha yondoshuvlar bo‘lib, ulardan eng samaradorlari ushbu bobda yetarlicha tavsif etilgan;
   
3. 
   U yoki bu biznes-modelni tanlash kompaniyaning xayotiy tsikli bilan, daromad qilish usuli bilan va monetizatsiya sxemasi bilan bog‘liq ravishda amalga oshiriladi. Bunda kompaniyaning qaysi bozor segmentida faoliyat ko‘rsatayotgani ham ahamiyatga ega bo‘ladi;
   
4. 
   Bozor haqidagi ma’lumotlarni olish va uni tahlil qilishga yordam beradigan yangi elektron servislar va usullarning paydo bo‘lishi biznesga yangi hamda katta imkoniyatlar baxsh qildi;
   
5. 
   Elektron tijoratni muvaffaqiyatli ravishda yuritish uchun sekinlashtiruvchi faktorlardan biri kerakli bo‘lgan samarador infratuzilmani tashkil qilish bo‘lishi mumkin, chunki bu katta mablag‘ talab qiladi. Bu muammoni hal qilish uchun barcha funktsional modullarga ega bo‘lgan konstruktor asosidagi tayyor internet-magazin ijaraga olinadi;
   
6. 
   Biznesni „hamkorlik dasturi“ (Affiliate Model) va Dropshipping modellari asosida ishga tushuirub yuborish hozirgi paytda eng yaxshisi hisoblanadi;
   
7. 
   Bozorda keng miqyosda ishlatiladigan boshqa biznes-modellarga Freemium, Free-to-Play, Full-Crowdsourcing, Donation, Print-on-Demand, Video-on-Demand larni misol qilib keltirish mumkin.
   

12-BOB. RAQAMLI ELEKTRON BIZNEZ BOZORI VA ELEKTRON MARKETING

12.1. Elektron hizmatlar va mahsulotlarning yangi bozorlari

Ushbu bo‘limda bozorning turli segmentlarida elektron biznesning xolati va uning rivojlanishi bilan bog‘liq bo‘lgan masala va muammolar ko‘rib chiladi. Informatsion texnologiyalarning evolyutsiyasi va raqamli iqtisodiyotning turli sohalarga kirib borishi global onlayn ta’limning ham rivojlanishiga olib kelayapti.