Тошкент давлат педагогика университети электрон ўҚув-методик мажмуалар

II БОБ. ФАННИНГ ЭЛЕКТРОН ЎҚУВ-МЕТОДИК 
МАЖМУАСИНИНГ КОМПОНЕНТЛАРИ 
 
 
2.1. ЭЎММ меъёрий ҳужжатлари компонентлари 
 
2.1.1. ЭЎММнинг титул варағи 
Титул варағи ЭЎММнинг муҳим компоненти. Унда қуйидаги 
маълумотлар ўз ифодасини топиши шарт (2-илова): 
- муассисларнинг номи (ижро ҳокимияти органи, муассис); 
- олий ўқув юртининг тўлиқ расмий номи; 
- тузувчи (тузувчилар)ҳақидаги маълумотлар; 
- мутахассислик ўқув режасига мувофиқ фаннинг номи; 
- мазкур ЭЎММ мўлжаллаб яратилган мутахассисликнинг номи ; 
- ишланма яратилган йил ва жой. 
2.1.2. ЭЎММнинг келишув варағи 
Келишув варағи қуйидаги таркибий қисмлардан иборат бўлиши лозим: 

ЭЎММ тузувчи (тузувчилар)нинг эгаллаб турган лавозими ва илмий 
даражаси ҳақида тўлиқ маълумотларни кўрсатиш; 

ички тақризчи тўғрисидаги батафсил маълумот (ички тақризчи 
ишланмани яратаётган кафедра ўқитувчиси ёки бошқа кафедра ходими ва 
албатта шу соҳа мутахассиси бўлиши шарт); 

ташқи тақризчининг эгаллаб турган лавозими, иш жойи ва илмий 
даражаси тўғрисидаги батафсил маълумотлар; 
ЭЎММ мўлжалланган талабалар таҳсил оладиган кафедра томонидан 
«Маъқулланган», факультет ва олий таълим муассаси ўқув-методик 
кенгашлари комиссияси томонидан қўйилган «Тасдиққа тавсия қилинган» 
штамплари ва тегишли имзоларнинг бўлиши шарт. Келишув варағининг 
намунаси 3-иловада тақдим этилган. 

---

18 
2.1.3. ЭЎММнинг макети 
ЭЎММ макети унинг барча таркибий қисмларининг ихчамлаштирилган 
ва муайян тизимга солинган шаклидир. Макет ЭЎММнинг таркибий 
қисмларини визуаллаш ва ўзаро боғлашни амалга ошириш имконини 
беради.
ЭЎММ макети ундан оптимал тарзда фойдаланиш, ўқув фанини 
англашни қулайлаштириш ҳамда мутахассисликнинг бошқа фанлари билан 
мувофиқлигини таъминлашда муҳим аҳамиятга эга.
ЭЎММ макети бошқа локал, тармоқли ва аралаш ЭЎММларнинг 
таркибий қисмларига кириш ва улардан фойдаланиш мақсадида қўллаш 
имконини беради. Шунингдек, ЭЎММдан талабалар мустақил ишлаш 
жараёнида ҳамда аудитория машғулотларида бевосита ўқитувчилар билан 
мулоқот чоғида амалда фойдаланишлари мумкин.
ЭЎММнинг макети (4-илова) расмий ҳужжат сифатида қуйидаги 
бўлимларни ўз ичига олади: 

меъёрий ҳужжатлар компонентлари - титул варағи, келишув варағи, 
мавзувий режаси, фан дастури, фаннинг ишчи дастури; 

мазмунни белгиловчи компонентлари - электрон ўқув қўлланма, 
лаборатория ва амалий (семинар) машғулотлари мазмуни, мустақил 
ишлар мазмуни, электрон луғат; 

методик компонентлари - ўқитувчига мўлжалланган методик 
компонент, талабага мўлжалланган методик компонент; 

баҳолаш компонентлари - баҳолаш мезонлари, жорий, оралиқ ва 
якуний назорат бўйича саволлар, курс иши мавзулари ва х.қ.