Toshkent davlat texnika universiteti

7.3. Integrallashgan tizimlar 

Onalik platalarida ko„p narsa chipsetga bog„liq. U ko„p funktsiyalarni bajaradi va yildan-yilga 

uning  funktsiyalari  ko„payib  bormoqda.  Bir  necha  yil  avval  kompyuterlarda  diskli  kontrollyorning 

sho„ba platasini topish mumkin edi – unga hamma diskovodlar ulanardi. Hozir bunday plata yo„q. Bu 

kontrollyor  funktsiyasi  «shimoliy  ko„prik»  chipsetiga  o„tdi  va  hamma  diskovodlar  onalik  platasiga 

to„g„ridan-to„g„ri  ulanadigan  bo„ldi.  Printer  ulanadigan  maxsus  plata  bilan  ham  shunday  bo„ldi. 

Hozirgi paytda tashqi qurilmalar ulanadigan hamma portlar onalik platasi tarkibiga kirdi. 

Chipsetlar  rivojlanmoqda  va  integratsiya  davom  etmoqda.  Bugungi  kunda  chipsetlari 

videokarta  va  (yoki)  tovush  kartasi  funktsiyasini  bajarish  qobiliyatiga  ega  bo„lgan  onalik  platalari 

tobora  ko„proq  uchramoqda.  Odatda  bunday  onalik  platalarida  arzon  narxli kompyuterlar  yig„iladi. 

Integrallashgan tovush va videoga ega bo„lgan onalik platasi, alohida sotib olinadigan uchta shunday 

komponentlar summasidan arzonroq turadi. 

 

7.1-rasm. Gigabyte GA-8SRX onalik platasi 

(Sis 645 chipseti, Socket 478 protsessori uchun bo„linma, shina chastotasi - 400 MGts, FSB 

chastotasi – 200 MGts, AGPx4, DDR uchun uchta bo„linma, PCI uchun oltita bo„linma, USB uchun 

to„rtta bo„linma, Form-faktor – ATX)