Toshkent moliya instituti iqtisodiyot fakulteti iqtisodiy xavfsizlik kafedrasi

9. Axborot xavfsizligi. Axborot xavfsizligi deb, axborotlarni yo`qotish va o`zgartirishga yo`naltirilgan tabiiy yoki sun‘iy xossali tasodifiy va kutilmagan ta‘sirlardan hamda ushbu axborotni saqlovchi, uzatuvchi uskuna va tizimlarni himoyalanganligiga aytiladi. Boshqacha aytganda, axborot xavfsizligini ta‘minlovchi va boshqaruvchi texnologiyalar to`plami, standartlar va boshqaruv usullari bo`lib hisoblanadi. Axborotning himoyasi deb, boshqarish va ishlab chiqarish faoliyatining axborot xavfsizligini ta‘minlovchi va tashkilot axborot zaxiralarining yaxlitliligi, ishonchliligi, foydalanish osonligi va maxfiyligini ta‘minlovchi qat‘iy reglamentlangan dinamik texnologik jarayonga aytiladi. Axborotlarga nisbatan xavf-xatarlar tasnifi xavfsizlik siyosatining eng asosiy vazifalaridan biri himoya tizimida potensial xavfli joylarni qidirib topish va ularni bartaraf etish hisoblanadi.
Texnologik xavfsizlik bu ishlab chiqarish faoliyatida yoki yangi texnologiyalarni joriy etishda, davlatning suveretitetini, ijtimoiy-iqtisodiy rivojlanishini va milliy xavfsizligini ta‘minlash maqsadida texnologik taraqqiyot darajasini oshirish orqali jamiyat, shaxs va davlatning muhim manfaatlarini qabul qilingan chora- tadbirlar asosida tashqi va ichki tahdidlardan himoyalanganlik holati bo`lib hisoblanadi.
Texnologik xavfsizlikni ta‘minlash bu quyidagilarni belgilab beradi:

• 
  xalqaro mehnat taqsimoti sharoitida mamlakatning texnologik mustaqilligi;
  
• 
  ta‘lim, sanoat, davlat ilmiy-texnik siyosatni umumiyligi;
  
• 
  fan va texnikani ustuvor sohalarini amalga oshirish;
  
• 
  sanoatni qayta qurish;
  
• 
  milliy texnologik bazani qayta qurish;
  
• 
  texnologik rivojlanishni va uning axborot ta‘minotini boshqarish.
  


Moliyaviy xavfsizlik – milliy manfaatlarni hisobga olgan holda mustaqil moliyaviy siyosatni olib borish, davlat vazifalarini hal etish uchun kerakli hajmda moliyaviy oqimlarni shakllantirish. Moliyaviy xavfsizlikni ta‘minlashning asosiy sharti bu ijtimoiy- siyosiy tizimga moliyaviy inqirozlar ta‘sirini oldini olish, kapitalni chetga chiqib ketishini, milliy byudjet resurslarini taqsimlashda ixtiloflarni oldini olish, xorijiy investorlar resurslarini jalb etish bo`lib hisoblanadi.