Тошкент педиатрия тиббиёт институти ҳузуридаги илмий даражалар берувчи dsc

Тадқиқот натижаларининг жорий қилиниши. Болаларда сурункали 
пастки нафас йўллари касалликларини ташхислаш ва даволаш усулларини 
такомиллаштириш бўйича олинган илмий натижалар асосида: 
«Болаларда сурункали бронх-ўпка патологияси муаммосини хал этишга 
замонавий ёндашувлар» услубий тавсияномаси тасдиқланган (Соғлиқни 
сақлаш вазирлигининг 2013 йил 25 мартдаги 8м/39-сон маълумотномаси). 
Мазкур услубий тавсиянома касалликнинг қайталаниш даражаси камайиши 
билан узоқ муддатли ремиссияга эришиш имконини берувчи касалликнинг 
клиник кечиши, биокимёвий ва иммунологик кўрсаткичлар яхшиланишига 
ёрдам берган;
«Болаларда сурункали пастки нафас йўллари касалликларини ташхис-
лаш ва даволашнинг комплекc усуллари» услубий тавсияномаси тасдиқланган 
(Соғлиқни сақлаш вазирлигининг 2018 йил 30 июлдаги 8н–р/210-сон маълу-
мотномаси). Мазкур услубий тавсиянома сурункали бронхит билан касал-
ланган беморларга дифференциаллашган даволаш усулини татбиқ этиш 
натижасида болаларнинг шифохонада бўлиш муддатини 2 кунга қисқар-

---

12 
тириш имконини берган; 
«Болаларда бронхоэктатик касалликни ташхислаш ва даволашнинг 
замонавий усуллари» услубий тавсияномаси тасдиқланган (Соғлиқни сақлаш 
вазирлигининг 2018 йил 30 июлдаги 8н–р/211-сон маълумотномаси). Мазкур 
услубий тавсиянома бронхоэктатик касаллик билан хасталанган беморларга 
таклиф этилган даволаш схемаси татбиқ этилиши натижасида анъанавий 
даволанган болалар гуруҳига нисбатан узоқ муддатли ремиссияни деярли 2 
ойга кўпроқ чўзиш имконини берган; 
сурункали бронхит ва бронхоэктатик касаллик билан хасталанган 
болаларни ташхислаш ва даволашни такомиллаштириш бўйича ишлаб 
чиқилган услубларнинг илмий натижалари соғлиқни сақлаш амалиётига, 
жумладан, ЎзР ССВ Республика ихтисослаштирилган педиатрия илмий-амалий 
тиббиёт марказининг пульмонология бўлимига; Тошкент шаҳар 3-сон болалар 
клиник шифохонасига, Жиззах, Самарқанд, Тошкент, Сирдарё ва Қашқадарё 
вилоятлари болалар кўп тармоқли тиббиёт марказлари амалиётларига тадбиқ 
этилган (Соғлиқни сақлаш вазирлигининг 2019 йил 29 апрелдаги 8н–з/55-сон 
маълумотномаси). Олинган илмий натижаларнинг амалиётга жорий қилини-
ши анъанавий даволаш усулларига нисбатан касалликнинг қайталаниш 
даражасини 2 мартага қисқартириш, болалар ҳаёт сифатини яхшилаш 
ҳисобига иқтисодий самарадорликни ошириш имконини берган.