4-боб. Давлат стандартининг таркибий қисмлари
8. Давлат стандартининг таркибий қисмлари қуйидагилардан иборат:
Илк ва мактабгача ёшдаги болалар ривожланишига қўйиладиган давлат талаблари (1-илова);
Мактабгача таълим ташкилотининг давлат ўқув дастури (2-илова);
Мактабгача таълим ташкилотларини ўйинлар тўплами, ўйинчоқлар, мебель, жиҳозлар ва бошқа техник, реабилитация воситалари билан жиҳозлаш меъёрлари (3-илова).
Ўзбекистон Республикаси мактабгача таълим ташкилотларида тўлақонли ва хавфсиз овқатлантиришни ташкил этишдаги гигиеник талаблар, мактабгача таълим ташкилотларида қурилиш-лойиҳалаш ишлари ҳамда мактабгача таълим ташкилотларида ёнғин хавфсизлигини таъминлашга қўйиладиган талаблар тегишли қонун ҳужжатлари асосида амалга оширилади.
9. Мактабгача таълимнинг намунавий ўқув режаси (кейинги ўринларда — намунавий ўқув режа) мактабгача таълим ташкилотларида ўтказиладиган машғулотларнинг номи, энг кам (минимал) ҳажми ва уларнинг ёши бўйича тақсимоти белгиланган ҳужжат ҳисобланади.
10. Намунавий ўқув режа мактабгача таълим ташкилотларида машғулотларни ўтказиш учун асос ҳисобланади.
Мактабгача таълимнинг намунавий ўқув
РЕЖАСИ
Do'stlaringiz bilan baham: |
