Тошкент вилояти чирчиқ давлат педагогика институти ҳузуридаги илмий даражалар берувчи dsc

“Адабий таълимда кластер ёндашуви” деб 
номланган иккинчи бобида адабий таълимда интеграция ва кластер 
муносабати, кластер йўналишлари ва тамойилларининг узлуксиз таълим 
интеграцион жараёнларига таъсири, адабий таълимда келажак ўқитувчиси 
концепцияси каби масалалар тадқиқ қилинган. 
Бобнинг биринчи бўлимида адабий таълимдаги интеграциялашув 
жараёнларининг кластер ёндашувига таъсири масаласи таҳлил қилинган.
Тадқиқотда адабий таълимда интеграция муаммоси қуйидаги масалалар 
билан боғлиқлиги илмий асосда ёритилган: 
– 
адабий таълимда ноанъанавий дарс тушунчаси, шакллари, уларнинг 
вазифалари, хилма-хиллиги ва хусусиятлари; 
– 
фанлараро интеграция ва унинг турлари масаласига аниқлик киритиш; 
– 
умумтаълим мактабларида адабиёт дарсининг ноанъанавий шакли 
сифатида интеграциялашган дарс машғулоти; 
– 
адабий таълимда интеграция ва уни амалда қўллаш.
Интеграциялашган адабиёт дарсларида фанлараро интеграция муҳим 
ўрин тутади. Тадқиқотда “Адабиётшунослик ва адабиёт интеграцияси”, “Она 
тили ва адабиёт дарслари интеграцияси”, “Тарих ва адабиёт дарслари 
интеграцияси”, “Санъат ва адабиёт интеграцияси”, “Психология ва адабиёт 
интеграцияси”, “Этика, эстетика ва адабиёт интеграцияси” каби адабиёт 
дарсларининг интеграция шакллари таҳлил қилинган.
3
Шайхова Х.А. Маънавият – камолот кўзгуси. – Т: Ғ.Ғулом номидаги НМИУ, 2009. – Б. 115. 

---

18 
Мутахассислар томонидан “таълим кластери” тушунчасига берилган 
таърифлардан келиб чиқиб “адабий таълим кластери” тушунчасига 
қуйидагича таъриф бериш мақсадга мувофиқ деб топилди: 
муайян 
ижтимоий-географик ҳудуднинг сифатли адабий таълимга бўлган 
эҳтиёжини қондириш мақсадида ўзаро алоқадаги тенг ҳуқуқли таълим 
субъектларининг узвийлиги, узлуксизлиги ва интеграциясини