Tosnkent moliya instituti u. K. Yakubov, yo. S. Ilxamova, M. I. Azizova elektron tijorat

V. Aloqa va axborotlashtirish sohasidagi ilmiy-texnik 
taraqqiyot. Logistika menejmenti g‘oyalarini amalda amalga oshirishga 
imkon bergan aloqa va informatika sohasidagi ilmiy va texnik 
taraqqiyotning muhim yutuqlari quyidagilardan iborat: 
• axborot texnologiyalaridan foydalangan holda logistika 
jarayonlarini boshqarish (kompyuterdan ommaviy foydalanish; amaliy 
dasturlarni yaratish va boshqalar); 
• ma’lumotlarni zamonaviy darajada uzatish (yangi standartlar va 
axborot uzatish vositalari). 
Bu xomashyo va tayyor mahsulotlar harakatining barcha 
bosqichlarini boshqarish, mavjud material oqimini boshqarish 
sxemalarida yo‘qotishlarni aniqlash imkonini berdi. Shu sababli 
korxonalarda barcha turdagi oqimlarni boshqarish va boshqarishning 
yangi, samarali usullarini ishlab chiqish zarurati tug‘ildi. 
Ilmiy-texnik taraqqiyot natijasida tovar-moddiy zaxiralarning 
mavjudligi va holatini, yetkazib berish hajmini, ishlab chiqaruvchidan 
iste’molchiga yo‘lda tovarlarning joylashishini avtomatik ravishda 
kuzatib borish va on-layn tarzda boshqa zarur ma’lumotlarni olish 
imkoniyati paydo bo‘ldi. 
Axborot texnologiyalaridan foydalanish material oqimini 
boshqarish samaradorligini yangi bosqichga ko‘tarishga imkon berdi. 
Shu maqsadda axborot oqimlarini boshqaruvchi korxonalarda maxsus 
xizmatlar tashkil etila boshlandi. 
VI. 
Tizimlar 
nazariyasi 
va 
murosalar 
nazariyasini 
rivojlantirish. 
Tizimlar nazariyasi ilmiy nuqtai nazardan mahsulotni taqsimlash 
muammosini murakkab deb hisoblash va mahsulotni taqsimlash bilan 
shug‘ullanadigan turli korxonalarni yagona tizim sifatida taqdim etish 
imkonini berdi. Bu logistika zanjirining barcha ishtirokchilarining 
xususiyatlari, qiziqishlari, ichki va tashqi aloqalarini hisobga olish va 
muvofiqlashtirish zarurligini tushunishga olib keldi. 

---

21 
Murosalar nazariyasi umumiy logistika jarayonida ishtirok 
etadigan kompaniyaning ayrim bo‘linmalari yoki alohida korxonalar 
faoliyatiga yetkazilgan zararga qaramay, umumiy xarajatlarni 
kamaytiradigan yoki umumiy daromadni oshiradigan yechimlarni 
tanlash imkonini berdi.