Traktorlar va avtomobillar nazariyasi

1.2 Kurs ishlarini muddatli hujjatlarni rasmiylashtirishga qo`yiladigan talablar


1.2.1 loyiha hujjatlarining tuzilishi va belgilanishi

Kurs ishining tuzilishi fanning o`quv dasturi bilan belgilanadi. Bajariladigan kurs ishlari uchun hujjatlar tarkibiga quyidagilar kiradi:

- grafik qismida -bajarilgan ish va olingan natijalarni aniq aks ettiruvchi grafik materiallar (chizmalar, jadvallar, diagrammalar va boshqalar);
- tushuntirish xatida - dastlabki ma'lumotlarni, hisob-kitoblarlarni, tushuntirishlar izohini, tavsiflarni, jadvallar, rasmlar, foydalanilgan manbalar ro`yxatini o`z ichiga olgan.
Grafik materiallar. Kurs loyihasining grafik qismining tarkibi va mazmuni ishlab chiqilayotgan mavzuning o`ziga xos tavsifiga bog'liq va kurs ishi uchun topshiriq bilan belgilanadi. Kurs ishining grafik materiallari tushuntirish xati matnidagi rasmlar yoki ma'lumotlari bilan tegishli dasturlar shaklida (agar kerak bo`lsa) amalga oshiriladi va asosan A4 yoki A3 formatida taqdim etiladi [1, 41-42 betlar]. Oq qog'oz varaqlaridan foydalanganda masshtabli panjaralarni qo`llash majburiydir.
Tushuntirish xati. Matn materiallarini bajarish usuli – kompyuterda, bosib chiqarish moslamalaridan foydalangan holda, Word matni muharririda bir yarim interval bilan 14 pt (nuqta) o`lchamdagi Times New Roman shriftidan foydalangan holda, matn – kenglik bo`yicha, paragraf chizig'I (abzats) -12,5 mm.
Matn materialini qo`lda yozilgan tarzda bajarish mumkin. Harflar va raqamlarning balandligi kamida 2,5 mm va so`zlar orasidagi masofa 7-10 mm bo`lgan shrift ishlatiladi. Ko`k yoki binafsha rangli pasta ishlatiladi.
Kurs loyihasining tushuntirish xatining taxminiy hajmi A4 varaqlarida (ilovalarsiz) 20-25 mashina sahifali yozuvli matnda bo`lishi kerak.
Tushuntirish xati papkada tikilgan holatda bo`lishi kerak. Tarkibiy tushuntirish xati quyidagi elementlardan iborat (materiallar ularning joylashuvi bo`yicha berilgan):
- sarlavha sahifasi;
- topshiriq;
- kirish;
- kalit so`zlar
- tasviriy materiallar, jadvallar, grafikalar va boshqalar bilan tushuntirish xati matni;
- xulosa;
- ishlatilgan manbalar ro`yxati;
- ilovalar.