Tuproq rejimlari va ularni boshqarish. Reja. Tuproqdagi suvlarning turlari. Tuproqning suv rejimlari

1-jadval.
Tuproq va atmosfera havosining tarkibi, %

Havo	N	O2	CO2
Atmosfera	78,09	20,95	0,03
Tuproq	78,80	20,00	0,1

Tuproq havosining tarkibi va miqdori tuproqning tuzilishi, ekin turi, harorat, namlik va aeratsiyaga bog’liq. Tuproq bilan atmosfera o’rtasidagi gaz almashinishi asosan diffuziya bosim va haroratni o’zgarishi, tuproqqa suvning kelib tushishi va shamol faoliyati natijasida sodir bo’ladi. Ushbu almashinish jarayoni qanchalik tez va to’la sodir bo’lsa, tuproqda o’simliklar hayoti va unda kechadigan turli jarayonlar uchun optimal sharoit vujudga keladi.

Tuproqda o’simliklar uchun qulay havo rejimini yaratish uchun bir qator agrotexnikaviy, agrokimyoviy va melioratsiya tadbirlaridan foydalanish tavsiya etiladi. Tuproq havo rejimini boshqarishning muhim usuli tuproqqa ishlov berish (yerni chuqur va sifatli shudgorlash va h.k.) hisoblanadi. Buning natijasida haydalma qatlam tuzilishi talab darajasida o’zgaradi, g’ovaklik ortadi, gaz almashinishi yaxshilanadi, mikroorganizmlar faoliyati jadallashadi va h.k.
Tuproq havo rejimini bir meyorda bo’lishini taminlash uchun ekinzorda ko’chat qalinligining bir tekis bo’lishiga erishish kerak. Sug’orish va almashlab ekishni to’g’ri tashkil qilish ham tuproq havo rejimini yaxshilashning asosiy tadbirlaridan hisoblanadi.
Sizot suvlari yer yuzasiga yaqin joylashgan, sernam va botqoq yerlarda tuproqlarning havo rejimini yaxshilash uchun melioratsiya tadbirlarini amalga oshirish tavsiya etiladi.