U. ǴAfurov, Q. Sharipov

JEDELLESTIRIWSHI SORAW HÁM TAPSÍRMALAR
1. Súwretlerden kredittiń mazmun-mánisi menen baylanıslı qanday tá-
repleri kórsetilgen?
2. Súwrettegi saat súwreti qanday mánisti ańlatadı dep oylaysız? 
Kalkulyator-she? Óz pikirińizdi túsindirip beriń.
KREDIT HÁM ONÍŃ PRINCIPLERI
Hárbir isbilermen de óz xızmetin júrgiziw ushın jeterli finanslıq 
qarjıǵa iye bolmawı múmkin. Yamasa, kárxananı keńeyttitriw, qanday 
da bir jobanı ámelge asırıw ushın qarjısı jetpey qalıwı múmkin. 
Bunday jaǵdaylarda qosımsha qarjı tabıwdıń keń tarqalǵan hám 
nátiyjeli jolı — bank kreditin alıw bolıp esaplanadı.
Bank krediti — bankler hám arnawlı kredit mákemeleri 
tárepinen isbilermenler yamasa basqa shaxslarǵa beriliwshi pul 
formasındaǵı qarız.
Kredit beriw bir qatar principlerge tiykarlanıp, onı tómendegi 
sızılma kórinisinde kóriwge boladı.

---

81
Bunnan kóremiz, siz bankten kredit alıwda onı ne maqsette 
alıp atırǵanıńızdı bildiriwińiz kerek. Usı maqsetten kelip shıqqan 
jaǵdayda kredit múddetleri anıqlanadı hám kredit tólemleri procentleri 
belgilenedi. Bunda siz alınǵan kredit hám ol boyınsha esaplanǵan 
procentlerdi óz waqtında qaytarılıwına kepillik beriwińiz kerek 
boladı. Kóbinese usı kepillik bank tárepinen berilip atırǵan kredit 
summasınan kóbirek qunlı girew tiykarında usınıladı.
KREDIT TÚRLERI
Bank krediti menen bir qatarda siz kredittiń basqa túrleri 
haqqında maǵlıwmatqa iye bolıwıńız kerek. 
Eger xojalıqlar aralıq kredit belgili tovarlardıń tólemin keshiktiriw 
túrinde ámelge asırılsa, kommerciyalıq kredit dep ataladı.
Kóshpes múlk (máselen, jer, imarat)lerdi girewge qoyıw esabınan 
uzaq múddetli qarız formasında beriliwshi kredit ipoteka krediti dep 
ataladı. 
Tutınıwshı krediti — jeke shaxslarǵa, birinshi gezekte, uzaq múddet 
paydalanatuǵın tutınıw tovarlar (máselen, mebel, avtomobil, televizor 
hám basqalar)dı satıp alıw ushın belgili múddetke beriletuǵın kredit.