116
(almastırılatuǵın) qatań valyutalar tiykarında ámelge asırılıp, mámle-
kettiń arnawlı quralları arqalı tártipke salınadı.
Sırtqı
ekonomikalıq xızmet degende Ózbekstan Respublikası
yuridikalıq hám fizikalıq shaxslardıń shet el mámleketleriniń
yuridikalıq hám fizikalıq shaxsları, sonday-aq xalıq aralıq shólkemler
menen óz ara paydalı ekonomikalıq baylanısların ornatıw hám
rawajlandırıwǵa qaratılǵan xızmeti túsiniledi.
Ózbekstan Respublikasında dizimge alınǵan yuridikalıq shaxslar,
sonday-aq, Ózbekstan Respublikasınıń aymaǵında turaqlı
jasaw
ornına iye bolǵan hám jeke tártiptegi isbilermen sıpatında dizimge
alınǵan fizikalıq shaxslar sırtqı ekonomikalıq xızmet
penen
shuǵıllanıwǵa haqılı.
Ózbekstan Respublikasınıń 2000-jıl 26-maydaǵı 77-II-sanlı
jańa redakciyasındaǵı «Sırtqı ekonomikalıq xızmet haqqında»ǵı
nızamı, 3-statya
SÍRTQÍ SAWDA
Sırtqı ekonomikalıq xızmettiń tiykarǵı baǵdarlarınan biri — sırtqı
sawda bolıp esaplanadı.
Sırtqı sawda kóbinese sırtqı sawda shárt-
namaları menen rásmiylestiriliwshi kommerciyalıq pitimleri arqalı
ámelge asırıladı.
Sırtqı sawda — mámleketler arasındaǵı ónim hám xızmetlerdi
alıp shıǵıw (eksport) hám alıp kiriw (import)den ibarat sawda.
Bunnan kóringenindey, sırtqı sawda ónim hám xızmetler eksportı
hám importınan ibarat.
Eksport — ónim hám xızmetlerdi mámleketten sırttaǵı qarıy-
darlarǵa satıw.
Import — ónim hám xızmetlerdi mámleketten sırttaǵı satıw-
shılardan satıp alıw.
Sırtqı sawdada qatnasıw, ásirese, tovardı eksportqa satıw
birneshe
basqıshlardan ibarat arnawlı tayarlıqlardı talap etedi.
