U. ǴAfurov, Q. Sharipov

BÁSEKILESIW USÍLLARÍ
Básekiniń baha túrindegi hám bahasız báseki usılları ajıraladı.
Baha túrinde básekilesiw — bul belgili ónimler bahasın basqa 
islep shıǵarıwshılardıń usı túrdegi ónimleri bahasına salıstırǵanda 
tómenletiwge tiykarlanǵan báseki usılı.
Bahasız báseki — báseki gúresiniń tiykarǵı faktorı bolıp tovar-
dıń sıpatı, servis xızmet kórsetiwi, islep shıǵarıwshı firmanıń 
abıroy-itibarı esaplanıwshı gúres usılı.
INSAPSÍZ BÁSEKI
Básekilesiwdiń ekonomikalıq emes usıllarınan paydalanıw insapsız 
báseki dep júrgiziledi. Olarǵa fizikalıq kúsh isletiw, májbúrlew, 
qarsılaslardıń abırayına zıyan tiygiziw, ekonomikalıq resurslar 
dereklerinen ayırıw, jetekshi qánigelerdi ózine qaratıp alıw, bahanı 
keskin tómenletiw sıyaqlılar kiredi. 
KÁRXANANÍŃ BÁSEKILESLIGIN ARTTÍRÍW JOLLARÍ
Bazar ekonomikasında basqa básekileslerden ozıp ketiw yamasa 
ústin keliw qábileti, yaǵnıy básekileslik zárúr bolıp esaplanadı. 
Básekileslik hár túrli dárejelerde kóriniwi múmkin.

---

140
Básekilesliktiń hárqanday dárejesi ushın tiykarǵı faktorlar bar.
Siz óz isbilermenlik xızmetińizdi nátiyjeli ámelge asırıw ushın 
kárxanańız básekilesligin támiyinlewińiz zárúr.
Kárxananıń básekilesligi — belgili túrdegi ónimdi islep shıǵa-
rıwshı basqa kárxanalarǵa óziniń óndiris, finanslıq hám marketing 
xızmeti nátiyjeliliginen qarsı tura alıw qábileti.
Bunıń ushın, álbette, kárxana básekilesligin támiyinlew jolları 
haqqında biliwińiz kerek. Tómende olardıń tiykarǵıların keltirip 
ótemiz:
— turaqlı túrde óndiris procesine jańalıqlardı engiziw;
— ónimniń salıstırmalı jetilisken túri ústinde izleniw;
— ónim sıpatınıń milliy hám dúnya standartlarına muwapıqlıǵın 
támiyinlew;
— joqarı sıpatlı shiyki zat hám materiallardan paydalanıw;
— turaqlı túrde xızmetkerlerdiń qánigeligin arttırıp barıw;
— xızmetkerlerdiń materiallıq mápdarlıǵın arttırıw hám miynet 
sharayatların jaqsılaw;
— bazarda tereń marketing izleniwlerin ótkeriw hám basqalar.