U. ǴAfurov, Q. Sharipov

Investiciya riski — kózde tutılmaǵan sebeplerge baylanıslı investiciya 
qarjılarınıń nátiyje keltirmewi aqıbetinde finanslıq joq etiw itimalı.
Isbilermen — isbilermenlik uqıbına, yaǵnıy qanday da bir túrdegi tovar 
islep shıǵarıw yaki xızmet kórsetiw procesin shólkemlestire alıw boyınsha 
bilim, kónlikpe hám tájiriybege iye shaxs. 
Isbilermenlik riski — resurslardan nátiyjeli paydalanıw múmkin bolǵan 
jaǵdaydan shetke shıǵıw hám bunıń aqıbetinde resurslardı joq etiw qáwpi.
Isbilermenniń huqıqı — mámleket tárepinen isbilermen ushın paydalanıwı 
belgilengen yaki ruqsat berilgen is-háreketler qaǵıydaları kompleksi.
Isbilermenniń juwapkerligi — bul isbilermen is-háreketiniń belgilengen 
nızam normaları, jámiyetlik hám ádep-ikramlıq qaǵıydalarǵa muwapıqlıǵı 
boyınsha juwap beriw wazıypası. 
Isbilermenniń minnetlemesi — mámleket tárepinen isbilermen ushın ámel 
etiliwi yaki orınlanıwı shárt bolǵan is-háreketler qaǵıydaları kompleksi.

---

142
Jaslar isbilermenligi — isbilermenlik xızmetiniń 18 jastan 35 jasqa 
shekem bolǵan isbilermenleri tárepinen ámelge asırılıp atırǵan bólimi.
Jeke járdemshi xojalıq
— awıllıq jerlerde jasawshı puqaralardıń óz úy 
qaptalı jerindegi jeke miyneti arqalı awıl xojalıq ónimlerin jetistiriw menen 
shuǵıllanıwına tiykarlanǵan shańaraqlıq xojalıǵı.
Jeke tártiptegi isbilermenlik — yuridikalıq shaxs shólkemlestirmesten 
jeke isbilermenlik xızmetin ámelge asırıw túri.
Juwapkershiligi sheklengen jámiyet (JSHJ) — aǵzaları jámiyet minnet-
lemeleri boyınsha tek ózleri qosqan úles sheńberinde juwapker bolatuǵın 
jámiyet.
Kalkulyaciya — latınsha «calculatio» degen sózden alınǵan bolıp, esap, 
esap-kitap degen mánilerdi ańlatadı. Bul ónim birligine tuwrı keliwshi 
óndiris qárejetlerin pul kórinisindegi esap-kitabı.