U. ǴAfurov, Q. Sharipov

Ózbekstan Respublikası Sawda-sanaat palatası
Ózbekstan Respublikası Sawda-sanaat palatası Ózbekstan 
Respublikası Prezidentiniń 2004-jıl 7-iyuldegi pármanına muwapıq 
shólkemlestirilgen. Sawda-sanaat palatasınıń 
tiykarǵı maqseti jeke isbilermenlikti jáne 
de rawajlandırıw ushın qolay sharayatlar 
jaratıw hám de isbilermenlik ortalıǵın 

---

17
jetilistiriw bolıp esaplanadı. Usıǵan baylanıslı, Palatanıń tiykarǵı 
wazıypalarınan biri — respublikada isbilermenlik xızmetin, dáslep, 
kishi hám jeke biznesti rawajlandırıw, real múlkdarlardıń keń 
klasın qáliplestiriw, mámlekettiń ekonomikalıq turmısında jeke 
sektor roli hám áhmiyetin asırıwǵa járdemlesiwden ibarat.
Palataǵa aǵza bolǵan isbilermenler ushın bir qatar qolaylıq 
hám imkaniyatlar jaratılǵan. Sonıń ishinde, olar isbilermenlerdiń 
huqıqıy qorǵalıwın támiyinlew, tovarlar hám xızmetler eksportın 
qollap-quwatlaw, shet el investiciyaları hám minitexnologiyaların 
qatnastıra alıw, kadrlardı oqıtıw hám qayta tayarlaw hám de 
basqa kóplegen baǵdarlarda ámeliy járdem hám xızmetler alıw 
imkaniyatına iye boladı. Siz Sawda-sanaat palatası haqqındaǵı 
basqa kóplegen paydalı maǵlıwmatlar menen shólkemniń http://
www.chamber.uz elektron beti arqalı tanısıp barıwıńızǵa boladı.
Ózbekstan Respublikası «Ónermentshilik» uyımı
Ózbekstan Respublikasınıń xalıq ustaları, ónermentleri hám 
xudojnikler uyımı Ózbekstan Respublikası Prezidentiniń 1997-
jıl 31-marttaǵı «Xalıq kórkem ónermentshilikleri hám ámeliy 
kórkem ónerdi rawajlandırıwdı mámleketlik jolı menen qollap-
quwatlaw shara-ilajları haqqında»ǵı 1741-sanlı Pármanı tiykarında 
shólkemlestirilgen. Uyımnıń maqseti Ózbekstan xalqınıń bay 
mádeniy miyrası hám tariyxıy dástúrlerin tolıq saqlap qalıw hám 
kóbeytiw, milliy ónermentshilik, xalıq kórkem hám ámeliy ónerin 
jáne de rawajlandırıw, ónermentshilik xızmeti menen shuǵıllanıwshı 
puqaralardı hár tárepleme qollap-quwatlaw boyınsha maqsetli hám 
kompleks shara-ilajlardı ámelge asırıw, usı tiykarda xalıq, ásirese 
jaslar, hayallar hám kem támiyinlengen shańaraqlar bántligin 
támiyinlewden ibarat.
Respublikanıń barlıq wálayat hám rayon-
larında uyımnıń basqarma (13) hám bólimleri 
(159) bar.
Siz «Ónermentshilik» uyımı haqqındaǵı 
basqa kóplegen paydalı maǵlıwmatlar menen 
mákemeniń http://handicraftman.uz elektron 
beti arqalı tanısıwıńızǵa boladı.
2 – Isbilermenlik tiykarları, 11-klass

---

18