U. ǴAfurov, Q. Sharipov

Ózbekstan Respublikasınıń 2012-jıl 2-maydaǵı ÓRQ-328-sanlı 
jańa redakciyasındaǵı «Isbilermenlik xızmeti erkinliginiń kepillikleri 
haqqında»ǵı nızamı, 6-statya.
Jeke tártiptegi isbilermenler bir waqıtta birneshe xızmet túri 
menen shuǵıllanıwǵa boladı. Ózbekstan Respublikası Salıq kodeksiniń 
375-statyasına muwapıq, xızmettiń birneshe túri menen shuǵıllanıwshı 
salıq tólewshiler qatań belgilengen salıqtı xızmettiń hárbir túri ushın 
usı túrdegi xızmetke salıstırǵanda belgilengen stavkalar boyınsha óz 
aldına bólek tóleydi.
BILIMIŃIZDI SÍNAP KÓRIŃ!
1. Jeke tártiptegi isbilermenlik degen ne?
2. Fizikalıq hám yuridikalıq shaxs túsinikleri qalay ajıraladı?
3. Jeke tártiptegi isbilermenliktiń abzallıqları hám kemshilikleri neler 
arqalı kórinedi?
4. Jeke tártiptegi isbilermenlikte birneshe xızmet túri menen shuǵıllanıw 
múmkin be?
5. Eń kem aylıq is haqı túsinigin túsindirip beriń.
6. Qatań belgilengen salıq tólemleri degende neni túsinesiz?
7. Jeke tártiptegi isbilermenlikte xızmetkerlerdi jallaw qaysı nızam 
hújjetlerine tiykarlanıp tártipke salınadı?
8. Jeke tártiptegi isbilermenlikti salıqqa tartılıw tártibin túsindirip be-
riń.

---

20
4-TEMA
SHAŃARAQ ISBILERMENLIGI
JEDELLESTIRIWSHI SORAW HÁM TAPSÍRMALAR
1. Qaysı súwretlerde shańaraq aǵzaları ıqtıyarında bolatuǵın ekonomikalıq 
resurslar kórsetilgen?
2. Siziń shańaraǵıńızda birgelikte isbilermenlik jumısına qatnasatuǵın 
qanday ekonomikalıq resurslar bar?
SHAŃARAQ ISBILERMENLIGI DEGEN NE?
Siz jeke tártiptegi isbilermenliktiń ayırım kemshiliklerin shańaraq 
isbilermenligi menen shuǵıllanıp sheshiwińiz múmkin. Shańaraq 
isbilermenligi — shańaraq aǵzaları hám olardıń jaqın tuwısqanları 
tárepinen shólkemlestiriletuǵın isbilermenlik xızmeti. 
Shańaraq isbilermenligi shańaraq aǵzaları tárepinen táwekel etip 
hám óziniń múlklik juwapkershiligi tiykarında dáramat (payda) 
alıw maqsetinde ámelge asırılatuǵın isbilermenlik xızmeti bolıp 
esaplanadı. Shańaraq isbilermenligi óziniń qatnasıwshılarınıń 
qálewine tiykarlanadı.