U. ǴAfurov, Q. Sharipov

Ózbekstan Respublikasınıń 2012-jıl 26-apreldegi ÓRQ-327-sanlı 
«Shańaraq isbilermenligi haqqında»ǵı nızamı, 3-statya.
1
2
3
4
5
6

---

21
Ózińizdiń xızmetińizdi shańaraq isbilermenligi formasında shól-
kemlestiriw siz ushın maqul tańlaw bolıp esaplanadı. Sebebi, 
shańaraq isbilermenligin shólkemlestiriw arqalı ózińiz jasap turǵan 
aymaqta xızmet júrgiziwińiz hám de islep shıǵarılǵan ónimdi sol 
jerdiń ózinde satıwıńız múmkin. Bunda siz ózińizdiń turatuǵın 
jerińizdi jasaw ushın mólsherlenbegen jerge aylandırıwıńız shárt emes. 
Sonday-aq, siz isbilermenlik xızmetin óz úyińizde shólkemlestirseńiz, 
elektr energiyası, suw támiynatı, kanalizaciya, gaz támiynatı hám 
ıssılıq támiynatı sıyaqlı kommunal xızmetler haqısın xalıq ushın 
belgilengen tariflerde tólewińiz múmkin. Bul bolsa, basqa formadaǵı 
kárxanalarǵa salıstırǵanda úlken jeńillik bolıp tabıladı.
BUL QÍZÍQ...
Jáhánniń kóplegen kózge kórinetuǵın iri kompaniyalarınıń 
xızmeti shańaraqlıq bizneske tiykarlanǵan. Máselen, «Walmart» 
(AQSH), «Samsung Group» (Qubla Koreya) hám «Tata Group» 
(Hindstan) sıyaqlı iri kompaniyalar usılar qatarınan bolıp tabıladı.
BILESIZ BE?
Shańaraq kárxanasınıń xızmetin ámelge asırıw shártleri nelerden 
ibarat?
Shańaraq kárxanası xızmetiniń ayırım túrlerin tek arnawlı 
ruqsatnama (licenziya) bolǵanda ámelge asırıw múmkin. 
Shańaraq kárxanası akciz salıǵı tólenetuǵın ónimdi islep 
shıǵarıwdı hám jer astınan paydalanǵanlıǵı ushın salıq salınatuǵın 
paydalı qazılmalar qazıp alıwdı, sonday-aq, yuridikalıq shaxslar 
ushın qatań belgilengen salıq yamasa birden-bir jer salıǵı tólew 
kózde tutılǵan xızmetti ámelge asırıw múmkin emes. 
Shańaraq kárxanası xızmetinde záhárli, radioaktiv zatlar hám 
materiallardan, joqarı basımlı ásbap-úskenelerden hám de insan 
hám qorshaǵan-ortalıq ushın úlken qáwip tuwdıratuǵın basqa 
ásbap-úskenelerden paydalanıwǵa jol qoyılmaydı. Shańaraq kárxanası 
paydalanıwı múmkin bolmaǵan zatlar, materiallar hám ásbap-
úskenelerdiń dizimi Ózbekstan Respublikası Ministrler Kabinetiniń 
2012-jıl 13-sentyabrdegi 269-sanlı qararı menen tastıyıqlanǵan.

---

22
Shańaraq kárxanası tárepinen sanaat túrindegi xızmetti kóp 
kvartiralı úydiń turaq jaylarında ámelge asırıwǵa jol qoyılmaydı.