U. ǴAfurov, Q. Sharipov

BILIMIŃIZDI SÍNAP KÓRIŃ!
1. Shańaraq isbilermenligin shólkemlestiriwdiń qanday formaları bar? 
Olardıń arasındaǵı ayırmashılıqlardı túsindirip beriń.
2. Shańaraq isbilermenliginiń qanday abzallıq hám kemshilikleri bar?
3. Shańaraq isbilermenligi hám shańaraq kárxanası bir-birinen nesi 
menen ajıraladı?
4. Shańaraq isbilermenligi xızmetine baylanıslı ózgesheliklerdi túsindiriń.
5. Shańaraq kárxanasınıń qanday ózine tán ózgeshelikleri bar?
6. Shańaraq kárxanalarında ustav fondınıń eń az muǵdarı qansha 
bolıwı kerek?
7. Kimler shańaraq kárxanasınıń qatnasıwshıları bola aladı?
8. Shańaraq kárxanasında islewshiler sanınıń eń az muǵdarı qansha?
TEMA BOYÍNSHA ÁMELIY TAPSÍRMA HÁM
SHÍNÍǴÍWLAR
1. Aǵa-inili Anvar hám Asqar Sattarovlar «SEHRLI BO‘YOQ» 
shańaraq kárxanasınıń qatnasıwshıları esaplanadı. Finanslıq dereklerdi 
tartıw maqsetinde qatnasıwshılar quramına shańaraq aǵzası bolmaǵan 
Akmal Sabirovtı qospaqshı. Qanday tártiptegi ózgerislerge tiykarlanıp 
Akmal Sabirov qatnasıwshı bola aladı?
2. S. Fayzullaev óziniń 3 perzenti menen shańaraq isbilermen-
ligin shólkemlestirdi. Hárekettegi nızamshılıqqa tiykarlanıp olar hár 
ayda qansha muǵdarda qatań belgilengen salıq hám qamsızlandırıw 
tólemlerin tóleydi?

---

25
5-TEMA
MIKROFIRMA HÁM KISHI KÁRXANA
JEDELLESTIRIWSHI SORAW HÁM TAPSÍRMALAR
1. Joqarıdaǵı súwretlerde kórsetilgen qaysı xızmet túrlerin kishi 
isbilermenlik formasında shólkemlestiriw múmkin?
2. Usı xızmet túrlerin kishi isbilermenlik tiykarında alıp barıw 
múmkinligi ne menen túsindiriledi?
3. Ózińizdiń xızmetińizdi mikrofirma yamasa kishi kárxana formasında 
shólkemlestiriwdiń qaysı biri nátiyjeli dep oylaysız?
KISHI ISBILERMENLIK SUBYEKTLERI
Jáhán ámeliyatında óziniń xızmet kólemi boyınsha xojalıq júrgiziw 
imkaniyatları sheklengen isbilermenlik subyektlerin ajıratıp alıw 
tájiriybesi bar. Sebebi, usı isbilermenlik subyektleri mámleket tárepi-
nen qollap-quwatlanbasa, zárúr shárt-sharayatlar jaratıp berilmese, 
olar basqa iri kárxanalar aldında básekige shıdamlılıǵın joǵaltıp, 
óziniń xızmetin toqtatıwǵa májbúr boladı. Olar kishi isbilermenlik 
yamasa kishi biznes subyektleri dep júrgiziledi. Kishi isbilermenlik 
subyektlerin ajıratıwda dúnyada keń qollanılatuǵın normalar qatarına 
tómendegilerdi kirgiziw múmkin:
— islewshilerdiń ortasha jıllıq sanı;
— tiykarǵı hám aylanıs qarjılar kólemi;
— payda (dáramat) kólemi;
— ónim satıwdan ulıwma túsim hám basqalar.
Ózbekstanda kishi isbilermenlik subyektleri xızmet túri hám usı 
tarawda islewshiler sanına qarap belgilenedi. 
1
2
3

---

26