U. ǴAfurov, Q. Sharipov

Jaslar isbilermenligi — mámlekette 18 jastan 35 jasqa shekem 
bolǵan shaxslardıń isbilermenlik xızmetin ámelge asırıw procesi.
10-TEMA
JASLAR ISBILERMENLIGI
4 – Isbilermenlik tiykarları, 11-klass

---

50
JASLAR ISBILERMENLIGIN RAWAJLANDÍRÍWDÍŃ 
SHARA-ILAJLARÍ
Jaslar isbilermenligin rawajlandırıwda Prezidentimizdiń «Oqıw orın-
ların pitkeriwshilerdi isbilermenlik xızmetine tartıw boyınsha qosımsha 
shara-ilajlar haqqında»ǵı Pármanı hám «Ózbekstan Respublikasında 
jaslarǵa baylanıslı mámleket siyasatın ámelge asırıwǵa qaratılǵan 
qosımsha shara-ilajlar haqqında»ǵı qararı áhmiyetli orın tutadı.
Jaslar isbilermenligi kólemin jáne de keńeyttiriw boyınsha tómen-
degi shara-ilajlar kompleksi ámelge asırıladı:
— jaslar arasında isbilermenlik xızmetin ǵalabalastırıw;
— olardı isbilermenlikke ǵalaba tartıw;
— biznes júrgiziw uqıplılıǵın qáliplestiriw;
— biznes-ideyaların qarjılastırıw;
— bazardaǵı xızmetti alıp barıwda hár tárepleme járdemlesiw.
JASLAR ISBILERMENLIGI KLASTERLERI
Ózbekstan Respublikası Ministrler Kabinetiniń 2017-jıl 16-oktyabr-
degi «Jaslar isbilermenligi klasterlerin jaratıwdıń shólkemlestiriw-
shilik shara-ilajları haqqında»ǵı qararı qabıl etildi. Ekonomikada 
xızmeti óz ara baylanıslı bolǵan, mısalı, shiyki zat hám materiallar 
jetkerip beriwshi, infrastruktura xızmetlerin kórsetiwshi, ilim-izertlew 
mákemeleri hám basqa shólkemler toparınıń belgili aymaqqa toplanıwı 
klaster dep ataladı. Klasterdiń shólkemlestiriliwi usı shólkemlerdiń 
xızmet nátiyjelerin jaqsılap, básekige shıdamlılıǵın arttıradı.
Klaster — belgili aymaqta toplanǵan óz ara baylanıslı shól-
kemler toparı.
Jaslar isbilermenligi klasterleri — belgili aymaqta jaslardıń 
isbilermenlik xızmetin shólkemlestiriw hám ámelge asırıwda 
jeńilletilgen xızmetler hám qolaylı shárt-sharayatlar menen tá-
miyinlewge qaratılǵan óz ara baylanıslı shólkemler toparı.
Jaslar isbilermenligi klasterleri respublika rayon orayları hám 
qalalarında yuridikalıq shaxs shólkemlestirmey jaratıladı. Olardıń 

---

51
xızmetin basqarıw Ózbekstan jaslar awqamı rayon hám qala Keńesleri 
juwapkershiligine júklenedi.
Klasterlerde jaylasqan óndiris maydanları tek Ózbekstan jaslar 
awqamı aǵzası bolǵan jas isbilermenlerge, kárxanası ayaqqa turıp 
alǵanǵa shekemgi bolǵan dáwirde, lekin 5 jıldan artıq bolmaǵan 
múddetke ijara tóleminiń «nol» qunında beriledi. 
Klasterler ózine tán biznes-inkubator sıpatında islep, jaslarǵa 
isbilermenlik boyınsha arnawlı oqıw kursların ótkeriwde járdem-
lesedi. Isbilermenlik xızmeti menen shuǵıllanıw ushın zárúr hújjet-
lerdi tayarlaw, ámeliy másláhátler beriw boyınsha biypul xızmet 
kórsetiledi.