U. ǴAfurov, Q. Sharipov

Ózbekstan Respublikasınıń 1998-jıl 30-apreldegi 604-I-sanlı 
«Diyqan xojalıǵı haqqında»ǵı nızamı, 1-statya
FERMER XOJALÍǴÍ
Awıllıq jerlerdegi jáne de úlkenirek isbilermenlik forması — bul 
fermer xojalıǵı bolıp tabıladı.
Fermer xojalıǵı — ijaraǵa berilgen jer uchastkalarınan payda-
lanǵan jaǵdayda awıl xojalıǵı tovar islep shıǵarıw menen 
shuǵıllanıwshı, ǵárezsiz xojalıq júrgiziwshi subyekt.
Fermer xojalıǵına awıl xojalıǵı áhmiyetindegi jerler jergilikli 
keńesler tárepinen miyras qaldırıw huqıqı menen 50 jılǵa shekemgi 
múddetke ijaraǵa beriledi. Fermer xojalıǵı da miynetke jaramlı 
jastaǵı shańaraq aǵzalarınan hám jallanba jumısshılardan paydala-
nıwı múmkin. Fermer xojalıǵı awıl xojalıǵı ónimlerin tovar túrinde, 

---

46
yaǵnıy, tiykarınan, bazarda satıw ushın islep shıǵaradı. Ol yuridikalıq 
shaxs kórinisinde shólkemlestirilip, basqa ekonomikalıq subyektler 
menen ǵárezsiz túrde xojalıq qatnasına kirise aladı.
Fermer xojalıǵı ijaraǵa berilgen jer uchastkalarınan paydalan-
ǵan jaǵdayda awıl xojalıǵı tovar óndiriwi menen shuǵıllanıwshı, 
ǵárezsiz xojalıq júrgiziwshi subyekt.
Ózbekstan Respublikasınıń 2004-jıl 26-avgusttaǵı 662-II-sanlı 
jańa redakciyasındaǵı «Fermer xojalıǵı haqqında»ǵı nızamı, 
3-statya
AGROFIRMALAR
Eger siz tek awıl xojalıǵı ónimlerin jetistiriw emes, al olardı 
qayta islew arqalı da ózińizdiń isbilermenlik dáramatıńızdı arttırıwdı 
qáleseńiz, ol jaǵdayda agrofirma xızmetin jolǵa qoyıwıńız múmkin.
Agrofirma — fermer, diyqan hám jeke járdemshi xojalıqlar 
tárepinen jetistirilgen awıl xojalıq ónimlerin qayta islew hám de 
satıw menen shuǵıllanıwshı kárxana.
Agrofirma yuridikalıq shaxs kórinisinde shólkemlestiriledi. Awıl 
xojalıq ónimlerin jetistiriw, tasıw, saqlaw hám qayta islew, olardı 
ishki hám sırtqı bazarlarda satıw agrofirmalardıń tiykarǵı wazıypaları 
esaplanadı.
BUL QÍZÍQ...
Dúnyada ıssıxanalardıń kópligi boyınsha birinshi orında Gollan-
diya turadı. Házirgi waqıtta, gollandiyalılar ózleriniń ıssıxana-
ların plastik penen emes, al ayna menen qaplaydı. Gollandiyadaǵı 
ıssıxanalardıń ulıwma maydanı 10 500 gektardı quraydı.
BILESIZ BE?
Kishi biznesti hárqanday sharayatta da shólkemlestiriw múmkin. 
Buǵan anıq mısal retinde qıyar jetistiriw ushın ıssıxananı balkonda 

---

47
yamasa hátte, tereze tekshesinde de payda etse bolatuǵınlıǵın 
aytıw múmkin. Qıyar — bul paydalı hám az itibar talap etiwshi 
ósimlik. Durıs tańlanǵan sortı, hátteki 1 kvadrat metr jerge de 
jaqsı hasıl beredi. Sizler az kúsh hám qarjı sarplaǵan jaǵdayda 
jıldıń hárqanday waqtında satıw ushın qıyar jetistiriwińizge boladı. 
Satıwdı jolǵa qoyıp alǵan jaǵdayda, siz kóp dáramat keltiriwshi, 
qárejetleri tez qaplanıwshı bizneske iye bolasız.