U. ǴAfurov, Q. Sharipov
Download 3.42 Kb. Pdf ko'rish
|
Isbilermenlik tiykarlari. 11-klass (2018)
- Bu sahifa navigatsiya:
- 19-TEMA ÓNIMNIŃ ÓZINE TÚSER BAHASÍ ÓZINE TÚSER BAHANÍŃ TÚSINIGI
- Ózine túser baha
- ÓZINE TÚSER BAHANÍŃ TÚRLERI
|
BILIMIŃIZDI SÍNAP KÓRIŃ!
1. Óndiris qárejetleri degen ne? Olardıń quramına nelerdi kirgiziw múmkin? 2. Qanday sarplawlar aylanıs qárejetleri quramına kirgiziledi? 3. Ne sebepten qárejetler ishki yamasa sırtqı qárejetlerge bólinedi? 4. Ne sebepten sırtqı qárejetler buxgalteriya qárejetleri dep ataladı? 5. Turaqlı qárejetler hám ózgermeli qárejetlerge mısallar keltiriń. 6. Tómendegi maǵlıwmatlar tiykarında kesteniń bos keteklerin toltırıń. Q TC FC VC MC ATC AVC AFC 0 60 1 130 2 180 3 240 4 300 89 19-TEMA ÓNIMNIŃ ÓZINE TÚSER BAHASÍ ÓZINE TÚSER BAHANÍŃ TÚSINIGI Isbilermen óz ónimin satıw arqalı payda kóriwge umtıladı. Biraq bunıń ushın ol óziniń ónimi qanshaǵa túskeni, yaǵnıy onıń ózine túser bahası haqqında maǵlıwmatqa iye bolıwı kerek. Ózine túser baha — ónim islep shıǵarıw hám satıw qárejetleriniń puldaǵı kórinisi. Demek, ónimniń ózine túser bahasın anıqlaw ushın onı óndiris hám satıwǵa jumsalǵan sarp-qárejetlerdi jaqsı biliw kerek. Biraq ónimniń ózine túser bahasın durıs anıqlaw da quramalı process bolıp esaplanadı. Sebebi, ózine túser bahanıń ózi hár túrli kórinislerge iye bolıp, olardı esaplawda ózine tán táreplerdi itibarǵa alıw kerek boladı. ÓZINE TÚSER BAHANÍŃ TÚRLERI Ózine túser bahanıń óndiristiń ózine túser bahası, tolıq ózine túser baha, shegaralıq ózine túser baha sıyaqlı túrleri bar. Óndiristiń ózine túser bahası óndiris procesi menen baylanıslı qárejetler jıyındısı bolıp tabıladı. Ol óz ishine óndiristi shólkemlestiriwden baslap tap tayar ónimniń skladqa kelip túskenine shekemgi proceslerdegi qárejetlerdi óz ishine aladı. Tolıq ózine túser baha ónim islep shıǵarıw hám onı satıw menen baylanıslı qárejetler jıyındısı bolıp tabıladı. Yaǵnıy, ol óndiristiń ózine túser bahası hám de ónimdi satıw menen baylanıslı kommerciyalıq qárejetlerden payda boladı. Shegaralıq ózine túser baha — bul hárbir gezektegi islep shıǵarılǵan ónim birliginiń ózine túser bahası. Mısal ushın, siz 20 dana ónim islep shıǵarǵanıńızda ulıwma qárejetler 100 000 sumdı quraydı. Bul jaǵdayda bir ónimniń ózine túser bahası 5 000 sumǵa tuwrı keledi. Aytayıq, siz jáne bir dana qosımsha ónim islep shıǵarmaqshı boldıńız. Bunıń nátiyjesinde siziń ulıwma qárejetińiz 104 000 sumdı quraydı. Bunnan kórinedi, ónimińizdiń shegaralıq ózine túser bahası 4 000 sum bolǵan. |
