Uchun qulay investitsiya muhitining yaratilgani asosiy omil bo’lib kelmoqda
Download 1.21 Mb. Pdf ko'rish
|
iqtissodiyotga xorijiy in vestitsiyalar jalb qilishning mintaqaviy xusuiyatlari
|
КИРИШ 1.1.Magistrlik dissertatsiyasi ishi mavzuining dolzarbligi. O’zbekistonda tarkibiy o’zgarishlarni izchil amalga oshirishda xorijiy investitsiyalarni yo’naltirish uchun qulay investitsiya muhitining yaratilgani asosiy omil bo’lib kelmoqda. Xorijiy invesitsiyalar jalb qilishda iqtisodiy, siyosiy, me’yoriy-huquqiy, ijtimoiy va boshqa shart-sharoitlar majmui asosiy rol o’ynaydi. Bunday imkoniyatlarga tabiiy shart-sharoitlar, shu jumladan foydali qazilmalar zaxiralari, ishchi kuchi malakasi va o’rtacha ish haqi darajasi, iqtisodiy kon’yunktura holati, ichki bozor sig’imi hamda tovarlarni tashqi bozorda sotish imkoniyatlari, kredit tizimi holati, soliqqa tortish darajasi, ishlab chiqarish va ijtimoiy infratuzilmaning rivojlanganligi, xorijiy kapitalga nisbatan davlat siyosati, unga nisbatan imtiyozli shart- sharoitlarning belgilanganligi kabilarni kiritish mumkin. Mamlakatimiz mustaqillikka erishganidan buyon qulay investitsiya muhitini yaratish davlatimiz iqtisodiy siyosatining markaziy masalalaridan biri bo’lib kelmoqda. Jahon moliyaviy iqtisodi davom etayotgan bugungi davrda respublikada makroiqtisodiy barqarorlikka erishilib, iqtisodiyotga chet el investitsiyalarini jalb qilish jadal sur’atlar bilan o’sib bormoqda. CHunonchi, O’zbekiston Respublikasi Prezidenti I.A.Karimov ta’kidlaganidek: «Umuman olganda, mamlakatimiz iqtisodiyotiga investitsiya kiritish hajmi yalpi ichki mahsulotga nisbatan 23 foizdan iborat bo’ldi. O’zlashtirilgan umumiy kapital qo’yilmalar hajmining 3 milliard dollardan ortig’ini xorijiy investitsiyalar tashkil etdi. SHuning 72 foizdan ziyodi yoki 2 milliard 200 million dollari to’g’ridan-to’g’ri xorijiy investitsiyalardir. O’ylaymanki, hammamiz yaxshi anglab olganmiz: agar o’zimiz harakat qilmasak, chetdan sarmoya va investitsiyalarning mamlakatimizga, o’lkamizga kirib kelishi uchun qulay sharoit va imtiyozlar tashkil etmasak, kerak bo’lsa, ayni shu yo’nalishda astoydil, butun vujudimiz bilan ishlamasak, bunday raqamlarni tushimizda ham ko’rmasdik» 1 .
O’zbekiston Respublikasi Prezidenti Islom Karimovning mamlakatimizni 2013 yilda ijtimoiy-iqtisodiy rivojlantirish yakunlari va 2014 yilga mo’ljallangan iqtisodiy dasturning eng muhim ustuvor yo’nalishlariga bag’ishlangan Vazirlar Mahkamasining majlisidagi ma’ruzasi // Xalq so’zi, 2014 yil 18 yanvar
Xorij investitsiyalarni ishlab chiqarish tarmoqlariga kengroq jalb qilinib mintaqalarning hududiy va tarmoq tarkibida ham jiddiy o’zgarishlar sodir bo’lmoqda va maxsulot ishlab chiqarishda xorij sarmoyasi ishtirokidagi korxonalarning salmog’i oshmoqda. SHu jihatdan, mintaqalar iqtisodiyotini rivojlanishida xorijiy investitsiyalar yordamida tashkil etilgan korxonalar faoliyatining hududiy jihatlarini tadqiq etish va bu boradagi mavjud muammolarni o’rganish dolzarb muammolar sirasiga kiradi.
Download 1.21 Mb. Do'stlaringiz bilan baham: 
|