Ҳудудларни комплекс ижтимоий-иқтисодий ривожлантириш

ҲУДУДЛАРНИ КОМПЛЕКС ИЖТИМОИЙ-ИҚТИСОДИЙ РИВОЖЛАНТИРИШ
 
Мамлакатимизда ҳудудларни комплекс ижтимоий-иқтисодий ривожлантириш бўйича ташкил этилган секторлар фаолияти самарадорлигини таъминлаш, аҳоли мурожжаатларини ўз вақтида куриб чиқиш, ҳудудлардаги ижтимоий соҳа объектларини самарали фаолиятини ташкил этишга замин яратади. Шунингдек, давлат дастурлари, ҳудудий дастурлар ва инвестицион дастурларда белгиланган вазифаларни тўлиқ бажарилиши таъминлаш ва назорат қилишда сектор раҳбарларини масъулиятини ошириш бугунги кундаги муҳим вазифалардан бири ҳисобланади.
Ҳудудларни комплекс ижтимоий-иқтисодий ривожлантириш бўйича секторлар фаолиятини такомиллаштириш зарурияти қуйидагилардан иборат:
1. Ўзбекистон Республикаси Президентининг 2022 йил 11 апрелдаги «Маҳаллаларда ёшларни оммавий спортга жалб қилишни янги босқичга олиб чиқиш чора-тадбирлари тўғрисида»ги 201-сон қарорига асосан секторлар ҳудудида жойлашган маҳаллаларда ёшларни оммавий спортга жалб қилиш ишлари самарали ва тизимли ташкил этилмаганлиги;
2.  Ўзбекистон Республикаси Президентининг 2022 йил 7 мартдаги «Оила ва хотин-қизларни тизимли қўллаб-қувватлашга доир ишларни янада жадаллаштириш чора-тадбирлари тўғрисида»ги 87-сон фармонига асосан 1,3-4 секторлар штаблари жойлашган биноларда хотин-қизларни касбга ўргатиш ва бандлигини таъминлашга кўмаклаш мақсадида ўқув курсларни ўтказиш учун зарур шароитлар яратилмаган ва хона ажратилмаганлиги;
3. Ўзбекистон Республикаси Президентининг 2022 йил 21 февралдаги «Ер участкаларидан фойдаланишда давлат назорати самарадорлигини ошириш чора-тадбирлари тўғрисида» 138-сон қарорига асосан аҳолининг ер участкаларига бўлган ҳуқуқларнинг давлат рўйхатидан ўтказилишини таъминлаш учун хатловдан ўтказилган маҳаллий вакиллик ва ижроия ҳокимияти органларининг ер участкалари бериш ҳақидаги қарорларини электрон нусхалари олинмаганлиги. Бу борада ишлар самарали ташкил этилмаганлиги.
4. Ўзбекистон Республикаси Президентининг 2021 йил 3 декабрдаги «Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ҳоким ёрдамчилари фаолиятини ташкил этиш чора-тадбирлари тўғрисида»ги 31-сон қарорига асосан сектор раҳбарлари ҳоким ёрдамчилари билан биргаликда ҳар бир маҳаллани ижтимоий-иқтисодий ривожлантириш йўналишларини белгиламаган, шунингдек, ҳар ҳафтада ҳудларни ижтимоий-иқтисодий ривожлантириш масалалари бўйича маҳаллаларда амалга оширилаётган ишларни мунтазам муҳокама қилинмаганлиги;
5. Ўзбекистон Республикаси Президентининг 2021 йил 20 декабрдаги «Оилавий тадбиркорликни ривожлантириш ва аҳолининг даромад манбаини кенгайтиришга доир қўшимча чора-тадбирлар тўғрисида»ги 55-сон фармонига асосан сектор раҳбарлари томонидан: